"Peyğəmbərin dövründə gitara vardı?" - Elşad Miri HİDDƏTLƏNDİ

Son günlər sosial şəbəkələrdə müzakirə olunan mövzulardan biri də musiqinin İslam dinində haram olması ilə bağlıdır. Bəzi özünü dindar adlandıran şəxslər musiqiyə qulaq asmağın İslam dini baxımından haram olduğunu iddia edir və bunu “əxlaqsızlıq və sapmalara yol açan bir vasitə” kimi təqdim edir. Digər tərəfdən isə bu iddianın yanlış olduğunu düşünənlər də var.

Bəs İslamda musiqi haramdır?

Sfera.az xəbər verir ki, bu barədə danışan dişünas Elşad Mirinin sözlərinə görə, Allah sadəcə haram olan şeyləri bildirib, geri qalanlar isə halaldır.

Dinşünas bunu deyən şəxslərə qəzəblənib:

“Peyğəmbərin dövründə gitaramı vardı? Əgər elə olsaydı, gitara halal, saksafon haram olacaqdı? Bu yanaşmalarda problemlər var. Məsələn, musiqi deyəndə nə nəzərdə tutulur? Heyvan səslərindən əldə edilən səs musiqi sayılırmı, yoxsa hansısa simli alət olandamı haram sayılır? Adamlar bildirir ki, heykəltaraşlıq haramdır. Bundan başqa, şəkil çəkmək haramdır deyirlər. Bunu isə kameranın önündə dayanıb deyir”.

Firuzə Əliyeva
Sfera.az