Son illərdə qadınların xəyanət etmə səbəblərinə dair aparılan araşdırmalar cəmiyyətdə mövcud olan klassik stereotipləri sarsıda biləcək nəticələr ortaya çıxarıb.

Sfera.az xəbər verir ki, qadınların xəyanəti kişilərinkindən fərqli olaraq daha çox emosional və psixoloji səbəblərlə bağlıdır.

Emosional yaxınlığın çatışmazlığı qadınların xəyanət etməsinin əsas səbəblərindən biri hesab olunur. Mütəxəssislərin fikrincə, qadınlar münasibətdə diqqət, sevgi və anlayış görmədikdə, bu ehtiyacları başqa şəxslərdə axtarmağa başlayırlar.

Maraqlı faktlardan biri də budur ki, bəzi qadınlar özünəinam və qadınlıq hissini yenidən qazanmaq məqsədilə xəyanət edir. Bu, xüsusilə özünü cazibədar hiss etməyən və münasibətlərində dəyərsizləşmiş qadınlarda müşahidə olunur.

Cinsi həyatın monotonluğu və ya partnyorla uyğunluğun olmaması da qadınların xəyanətə yönəlməsinə təsir edən mühüm faktorlardandır. Bu halda xəyanət, adrenalin və həyəcan axtarışının bir forması kimi çıxış edir.

Bəzi tədqiqatçılar qadınlarda “dual-mating strategiyası” adlandırılan bir fenomenə diqqət çəkir. Bu nəzəriyyəyə görə, bəzi qadınlar genetik cəhətdən üstün xüsusiyyətlərə malik kişilərlə cinsi münasibət quraraq, əsas partnyorlarını isə emosional və maddi dəstək üçün saxlamağa üstünlük verirlər.

Nəhayət, müasir həyatın gətirdiyi stress, iş yükü və ev həyatının çətinlikləri qadınların psixoloji tükənməsinə səbəb olur. Nəticədə, bəzi qadınlar münasibətlərindəki yorğunluqdan çıxış yolu olaraq xəyanətə yönələ bilirlər.

Fidan Hacızadə
Sfera.az

Qadın nə üçün xəyanət edir? - ARAŞDIRMA