1a:T79d,

Son günlər ölkə ərazisində müşahidə olunan intensiv yağıntılar nəticəsində çaylarda, xüsusilə də Kür çayında suyun səviyyəsində nəzərəçarpacaq artım qeydə alınıb. Bu vəziyyət əhali arasında daşqın təhlükəsi ilə bağlı narahatlıqları artırıb.

Yağıntılarla əlaqədar böyük çaylarda daşqın təhlükəsi varmı? Xüsusən də Kür çayında belə risk gözlənilirmi?

Bununla bağlı Sfera.az-a açıqlama verən ekoloq Rövşən Abbasov yağışların intensivləşməsi ilə həm kiçik, həm də iri çaylarda daşqın təhlükəsinin artdığını bildirib.

Ekoloq qeyd edib ki, hazırda baş verə biləcək daşqınların əsas səbəblərindən biri isə dağ çaylarının hövzəsində sürətli qar əriməsidir:

“Bu proses, xüsusilə havaların isinməsi ilə müşahidə olunur. Belə daşqın riski iqlimin bu dövrünə xas olmaqla, daim mövcuddur. Təkcə dağ çaylarında deyil, həmçinin Kür çayının aşağı axın hissələrində də daşqınlar qeydə alınır. Artıq Salyan və Sabirabad rayonlarında Kürün səviyyəsində nəzərəçarpacaq yüksəlmə müşahidə edilir.
Belə hallara daim hazırlıqlı olmaq və daşqınların qarşısının alınması, həmçinin idarəolunması istiqamətində tədbirləri gücləndirmək olduqca vacibdir”.

Xatırladaq ki, Böyük Qafqaz ərazisindən axan Qusarçayda 12 sm, Qudiyalçayda 4 sm, Kiçik Qafqaz ərazisindən axan Qabırrı çayda 2 sm, Qarabağ və Şərqi-Zəngəzur bölgəsindən axan Quruçayda 11 sm, Oxçuçayda 8 sm, Tərtərçay-Kəlbəcərdə 7 sm, Tərtərçay-Vəngdə 5 sm artım qeydə alınıb.

Fidan Hacızadə
Sfera.az

4:[["$","script",null,{"type":"application/ld+json","dangerouslySetInnerHTML":{"__html":"$1

Azərbaycanda daşqın olacaq? - AÇIQLAMA