Bu yağlar bədəndə ərimir, xəstəlik yaradırmış - DİQQƏT!
Müasir dövrdə bir çox insan sağlam qidalanmaya diqqət yetirməyə çalışsa da, gündəlik istifadə edilən bəzi qida məhsullarının tərkibi və təsiri tez-tez diqqətdən kənarda qalır. Bu məhsullardan biri də marqarindir. İlk baxışda kərə yağının alternativi kimi görünən marqarin, əslində sağlamlıq üçün ciddi risklər daşıya bilər.
Sfera.az bildirir ki, marqarinin əsas zərərlərindən biri tərkibindəki trans yağlardır. Bu yağ növü insan orqanizmi üçün son dərəcə zərərlidir. Trans yağlar, qandakı “pis” xolesterol (LDL) səviyyəsini artırır, eyni zamanda “yaxşı” xolesterol (HDL) səviyyəsini aşağı salır. Bu isə ürək-damar xəstəlikləri riskini əhəmiyyətli dərəcədə artırır. Dünyada bir çox ölkə artıq trans yağların istifadəsini qadağan etmiş və istehlakçını bu təhlükə barədə maarifləndirmişdir.
Marqarinlər otaq istiliyində ərimədikləri kimi, insan bədənində də ərimir. Marqarinlər əslində duru yağlardır, lakin otaq temperaturunda qatı olmaları üçün tərkibinə hidrogen bağları əlavə edilir. Bu trans yağlar aldığımızda necə qatı formadadırsa insan bədənində də eləcə qalır. Biz bu yağları yandıra bilmirik, onlar orqan və damarlarda yığılır, ürək-damar xəstəliklərində ciddi risk faktoruna çevrilir. Marqarin insan bədəni üçün tamamilə zəhərli maddədir və qaraciyər yağlanmasına səbəb olur. Tədqiqatlar marqarin yerinə kərə yağının istifadə olunmasının daha sağlam olduğunu göstərir.
Marqarinin tərkibindəki süni maddələr və trans yağlar bədəndə iltihab proseslərini gücləndirə bilər. Xroniki iltihab isə yalnız bir simptom deyil, həm də diabet, ürək-damar xəstəlikləri, Alzheimer xəstəliyi və hətta bəzi xərçəng növlərinin inkişafı üçün zəmin yaradır.
Marqarin yüksək kalorili məhsuldur. Onun mütəmadi və nəzarətsiz istifadəsi çəki artımına səbəb olur. Xüsusilə oturaq həyat tərzi keçirən insanlar üçün marqarinin gündəlik qida rasionunda yer alması obez riskini daha da artırır.
Ənənəvi kərə yağı ilə müqayisədə marqarin qida dəyəri baxımından çox kasaddır. Onun istehsalı zamanı istifadə olunan kimyəvi proseslər təbii yağlarda mövcud olan faydalı maddələrin çoxunu məhv edir. Bundan əlavə, marqarinə rəng verici, dad artırıcı və konservantlar əlavə olunur ki, bunlar da uzun müddətli istifadə zamanı sağlamlığa mənfi təsir göstərə bilər.
Əgər siz marqarini yağ ehtiyacınızı qarşılamaq üçün istifadə edirsinizsə, daha sağlam alternativlərə keçmək mümkündür. Zeytun yağı, kətan toxumu yağı, hindqozu yağı və avokado yağı kimi təbii yağlar həm daha sağlam, həm də faydalıdır. Bu yağlar bədənin ehtiyac duyduğu faydalı yağ turşuları ilə zəngindir və çoxsaylı müsbət təsirləri ilə seçilirlər.
Nəticə olaraq, marqarin gündəlik istifadədə tez-tez rast gəlinən, lakin sağlamlıq üçün təhlükəli olan məhsullardandır. Onun tərkibindəki trans yağlar, süni maddələr və yüksək kalori səviyyəsi bədənin müxtəlif sistemlərinə mənfi təsir göstərir. Sağlam həyat tərzinə sadiq qalmaq istəyən hər bir insan marqarin istifadəsini minimuma endirməli və daha təbii alternativlərə üstünlük verməlidir.
Firuzə Əliyeva
