Kreditlə avtomobil almaq istəyənlərin NƏZƏRİNƏ!
Azərbaycan Mərkəzi Bankının məlumatına görə bu ilin I rübündə Azərbaycanda avtomobil kreditlərinin orta illik faiz dərəcəsi 12 % təşkil edib.
Bu 2024-cü ilin sonundakı göstəricidən 2 faiz bəndi yüksəkdir.
Bəs, avtomobil kreditlərinin faiz dərəcəsinin artmasına səbəb nə olub?
Sfera.az xəbər verir ki, mövzu ilə bağlı Bizim.Media-ya danışan iqtisadçı ekspert Natiq Cəfərli deyir ki, Azərbaycanda avtomobil kreditlərinin orta illik faiz dərəcələrinin 12%-i keçməsinin əsas səbəblərindən biri kreditlə avtomobil satışının artmasıdır:
“İkinci təsir amili isə ötən il qəbul edilən taksi xidməti haqqında məhdudlaşırıcı qərardır. Yəni taksi xidmətilərinin tənzimlənməsinə yeni qaydaların gəlməsi yeni avtomobillərin alınmasına tələbatı artırdı. Ötən ilin ortalarından başlayaraq taksilərin daha çox yeni avtomobillər olduğunu görürük.
Yeni taksilərin bir çoxu ya lizinq, ya da kreditlə alınıb. Tələbatın artması da iqtisadiyyatın qızıl qaydasını işə salır.
Artan tələbat bank faizlərini də yüksəldir. Çünki bankların müştəriləri çoxaldıqca, onlar həm seçim edə, həm də faizləri artıra bilirlər”.
