Elşad Miridən deputata cavab: "Belə deməz..."

Bir neçə gündür, Milli Məclisin İctimai birliklər və dini qurumlar komitəsinin üzvü Ceyhun Məmmədov, ilahiyyatçı-psixoloq Fazil Əhmədin dinşünas Elşad Miri ilə “Baku TV”nin efirində baş tutan debatı müzakirə olunur.

Elşad Mirinin hədisləri, İslam dini ilə bağlı bir çox hökmləri inkar etməsi sosial şəbəkələrdə narazılıqla qarşılanıb. Bunun ardınca millət vəkili Ceyhun Məmmədov açıqlaması ilə rezonans doğurub. O bildirib ki, dindən anlayışı olmayan insanlar Elşad Miri kimi populist yanaşanları dəstəkləyir.

Sfera.az xəbər verir ki, deputatın bu sözlərinə E.Mirinin cavabı gecikməyib.

O, C.Məmmədovun belə dediyinə inanmaq istəmədiyini deyib.

“Çünki bilirəm ki, Suriyada təhsil almış, Azərbaycan İlahiyyat İnstitutunun rektoru olmuş bir şəxs belə bir ittiham dolu açıqlama verməz. Belə bir düşüncəsi olsaydı, bunu 1 saatlıq canlı yayımda rahatlıqla ifadə edərdi və bu haqda mən də düşüncələrimi paylaşardım”. 

Firuzə Əliyeva
Sfera.az