Bu virus ilk dəfə insanda aşkarlandı
Meksika Səhiyyə Nazirliyi ölkədə ilk dəfə insanda “H5N1” növü quş qripinin qeydə alındığını açıqlayıb.
Sfera.az xarici mediaya istinadən xəbər verir ki, Nazirliyin məlumatına görə, şimaldakı Durango ştatında yaşayan 3 yaşlı qız uşağında bu virus təsdiqlənib.
Uşaq 1 aprel tarixində Torreon şəhərindəki xəstəxanaya yerləşdirilib və aparılan test nəticəsində “H5N1” virusuna yoluxduğu müəyyən olunub. Hazırda vəziyyəti ağır olan azyaşlı xəstəxanada müalicə alır.
Rəsmi şəxslər bu virusun insandan insana keçdiyinə dair indiyə qədər heç bir sübutun olmadığını vurğulayıblar. Bununla yanaşı, vətəndaşlara xəstə və ya ölmüş ev quşları, yaxud yabanı heyvanlarla təmasdan sonra öskürək, nəfəsalma çətinliyi, baş ağrısı, qusma və göz qızartısı kimi əlamətlər müşahidə olunarsa, dərhal tibbi yardım almaları tövsiyə olunub.
Fidan Hacızadə
