BMT Ağdamdakı mina partlayışını araşdıracaq


BMT Ağdamdakı mina partlayışını araşdıracaq

Minalar səbəbindən insanların yaralanmasından çox narahatıq.

 

Bunu BMT Baş katibinin sözçüsü Stefan Düjarrik “Report”un ABŞ bürosunun sualını cavablandırarkən deyib.

 

S.Düjarrik bu gün Ağdam rayon sakininin piyada əleyhinə minanın partlaması nəticəsində xəsarət alması ilə bağlı araşdırma aparacağını bildirib.

 

“Bu məsələni nəzərdən keçirəcəyəm. Biz dünən yenidən piyada əleyhinə minalara qarşı beynəlxalq müqavilələrin əhəmiyyətinə toxunduq. 4 aprel – Beynəlxalq Mina Xəbərdarlığı Günü ərəfəsində bu mövzu ilə bağlı mətbuat konfranslarımız olacaq”, - sözçü qeyd edib.

 

Xatarladaq ki, BMT Baş katibi Antonio Quterreş ötən ilin noyabr ayında “Report”un ABŞ bürosuna müsahibəsində Azərbaycanın Qarabağ regionunda minatəmizləmə səylərinin BMT üçün əsas prioritetlərdən biri olduğunu vurğulayıb. O bildirib ki, uzun illərdir BMT-nin İnkişaf Proqramı (UNDP) bölgədə bu istiqamətdə fəaliyyət göstərir.

 

UNDP-nin bölgəni minalardan təmizləmə səyləri və baş verən insidentlər barədə heç bir məlumat verməməsi sual doğurur.

 

Qeyd edək ki, bu gün Ağdam rayonunun işğaldan azad edilmiş Çəmənli kəndi ərazisində mina hadisəsi baş verib. Daxili İşlər Nazirliyi, Baş Prokurorluq və Minatəmizləmə Agentliyinin (ANAMA) mətbuat xidmətlərinin yaydığı birgə məlumata görə, 1968-ci il təvəllüdlü Ağdam rayon sakini Nurəddin Feyzi oğlu Abbasov heyvan otararkən keçmiş təmas xəttində minalardan təmizlənməmiş əraziyə daxil olaraq piyada əleyhinə minanın partlayışı nəticəsində ayağından xəsarət alıb. Xəsarət alan şəxs xəstəxanaya təxliyə edilib.

 

Faktla bağlı Ağdam Rayon Prokurorluğunda araşdırma aparılır.


OXŞAR XƏBƏRLƏR

Azərbaycanla Rusiya arasında ikitərəfli münasibətlər müzakirə olundu

Rusiya xarici işlər nazirinin müavini Mixail Qaluzin Azərbaycanın bu ölkədəki səfiri Rəhman Mustafayevi qəbul edib.   Sfera.az xəbərinə görə, bu barə...

"Meydan TV" əməkdaşlarının həbs müddəti UZADILDI

"Meydan TV işi" üzrə həbs edilmiş jurnalistlər - Aynur Elgünəş (Qənbərova), Natiq Cavadlı, Şəmşad Ağa (Ağayev), Aytac Tapdıq (Əhmədova), Aysel Umudova...

Attestasiyanın nəticələri: peşəkar müəllim və keyfiyyətli mədəniyyət təhsili sistemi

Attestasiya prosesində əldə olunan nəticələr musiqi və incəsənət təhsilinin inkişafı baxımından önəmli müsbət göstəricilər ortaya çıxarıb.   Sfera.az...

Qızıl kəskin ucuzlaşdı

Dünya bazarında qızılın qiyməti kəskin ucuzlaşmağa başlayıb.   Sfera.az xəbər verir ki, bunu ticarət məlumatları sübut edir.   Belə ki, qı...

Mikayıl Cabbarov Dünya Bankının Cənubi Qafqaz üzrə regional direktoru ilə görüşüb

İqtisadiyyat Nazirliyində Dünya Bankının Cənubi Qafqaz üzrə regional direktoru ilə potensial əməkdaşlıq istiqamətləri barədə fikir mübadiləsi aparılıb.  ...

Bill Qeytsin maşınını görənlər inanmadı - FOTOLAR

Bir çox insanlar hesab edir ki, milyarderlər öz statuslarını başqalarına göstərmək üçün lüks avtomobil sürməyə üstünlük verirlər. Bununla belə, istisnalar var. ...