Bayramda bunları etsəniz, kökəlməzsiniz - RƏY
Novruz bayramı süfrələri zəngin ləziz yeməklərlə dolu olsa da, mütəxəssislər bu günlərdə sağlam qidalanmanın vacibliyinə diqqət çəkirlər.
Sfera.az xəbər verir ki, həkim-dietoloqlar bildirirlər ki, bayramda düzgün porsiya nəzarəti və balanslı qidalanma kökəlmənin qarşısını almaqda mühüm rol oynayır.
Bayram süfrələrində müxtəlif ət yeməkləri, plovlar, şirniyyatlar və çərəzlər yer alır. Lakin bu qidaların həddindən artıq qəbulu artıq çəkiyə, həmçinin həzm problemlərinə yol aça bilər.
Mütəxəssislər nəyi tövsiyə edir?
1.Porsiya ölçüsünə diqqət yetirin
Kiçik boşqablardan istifadə etmək və yeməkləri yavaş-yavaş yemək həm həddindən artıq qidalanmanın qarşısını alır, həm də doyma hissini daha tez təmin edir.
2.Şirniyyatlara nəzarət edin
Paxlava, şəkərbura və qoğal kimi yüksək kalorili şirniyyatlar az miqdarda qəbul edilməlidir. Dietoloqlar hər şirniyyatdan 1 ədəd yeməklə kifayətlənməyi və şəkərli içkilərdən uzaq durmağı tövsiyə edirlər.
3.Plov və ət yeməkləri balanslı şəkildə qəbul olunmalıdır.
Ət və düyü ilə zəngin yeməkləri tərəvəzlərlə birgə qəbul etmək həm qidalanmanı balanslaşdırır, həm də həzmi asanlaşdırır.
4.Fiziki aktivliyi unutmayın
Bayram günlərində qısa gəzintilər və yüngül fiziki fəaliyyət də kalori yandırmağa kömək edir. Dietoloqlar bildirirlər ki, bayramdan sonra pəhriz saxlamaq əvəzinə, bayram günlərində ağıllı seçimlər etməklə artıq çəkinin qarşısını almaq daha sağlam yoldur.
Fidan Hacızadə
