Avtobus sürücüləri bu hallarda işdən çıxarılır - RƏSMİ
Avtobus sürücüləri, sərnişinləri daşıyan şəxslər olaraq, yollarda yüksək məsuliyyət daşıyır və xüsusi peşə tələblərinə uyğun gəlməlidirlər.
Sfera.az baku.ws-ə istinadən xəbər verir ki, bəzi hallarda sürücülər qanunvericilikdə və ya işəgötürən qaydalarında nəzərdə tutulan səbəblərə görə avtobus idarə etmək hüququndan məhrum edilə bilərlər.
Bu məhrumiyyətlər həm qanun pozuntuları, həm də peşə səriştəsinin və ya sağlamlıq vəziyyətinin uyğun olmaması ilə əlaqədar tətbiq olunur.
"BakuBus"ın İctimaiyyətlə Əlaqələr şöbəsinin rəhbəri Əsmər Əliyeva bildirdi ki, təmsil etdiyi qurum sərnişinlərin təhlükəsizliyini ən ön planda tutur:
"Avtobusları idarə etməkdən məhrum edilmə halları əsasən aşağıdakı səbəblərə görə olur:
Daxili nizam-intizam qaydalarının pozulması, vəzifə təlimat üzrə üzərlərinə düşən öhdəliklərin icra edilməməsi;
Təhlükəsizlik qaydalarına əməl olunmaması;
Yol hərəkəti qaydalarını kobud şəkildə pozmaq və sərnişinlərin təhlükəsizliyinə risk yaratmaq.
Bu kimi hallarda sürücülərin iş fəaliyyətinə əmək qanunvericiliyinə uyğun olaraq xitam verilir".
