"Sürət həddini aşmayın!" - DİN-dən ÇAĞIRIŞ
DİN bayram günlərində şəhər və rayonlara səfər edən bütün hərəkət iştirakçılarına müraciət edib.
Bu barədə Sfera.az-a qurumdan məlumat verilib.
Qeyd olunub ki, bayram günlərində bölgələrə üz tutanların sayında artım müşahidə edilir və yollarda nəqliyyat sıxlığı yaranır:
“Yol-nəqliyyat hadisələrinin baş vermə ehtimalını azaltmaq üçün, bu günlərdə daha diqqətli olaq, hamılıqla qaydalara riayət edək”.
DİN-dən bildirilib ki, ilk növbədə müəyyən edilmiş sürət həddi aşılmamalıdır:
“Eləcə də sürət həddini yol və hava şəraitinə görə seçməliyik, ötmə qaydalarına uyğun davranmalı, sərxoş vəziyyətdə sükan arxasına əyləşməməliyik. Mümkünsə, günün erkən saatlarında hərəkətə üstünlük verək. Səyahətlər zamanı avtomobildə olan hər kəsin təhlükəsizlik kəmərindən istifadə etdiyindən əmin olun”.
Günay
