Aeroporta getmək istəyənlər bu yollardan keçməlidir- SİYAHI

Aeroporta getmək istəyənlər bu yollardan keçməlidir- SİYAHI

Ölkəmizdə keçiriləcək COP29 beynəlxalq konfransı ilə əlaqədar Heydər Əliyev Beynəlxalq Aeroportu sərnişinlərin rahat və təhlükəsiz səyahətini təmin etmək məqsədilə müvəqqəti dəyişikliklər tətbiq edəcək.

 

Sfera.az xəbər verir ki, bununla bağlı Heydər Əliyev Beynəlxalq Aeroportunun Mətbuat xidməti məlumat yayıb.

 

Sərnişinlərə bu dövrdə səyahətlərini öncədən planlaşdırmaları tövsiyə olunur.

 

Dəyişikliklər aşağıdakı kimidir:

 

- 10-14 noyabr tarixlərində yalnız aviabileti olan sərnişinlər Terminal 1 və Terminal 2-yə daxil ola biləcəklər. Yola salan və qarşılayan şəxslərdən gözləmə zallarında sıxlıq yaranmasının qarşısını almaq üçün hava limanına gəlməmələri xahiş olunur;

 

- Hava limanının qarşısındakı dayanacaq zonası yalnız xüsusi təyinatlı nəqliyyat vasitələri üçün ayrılacaq. Bu səbəbdən 10-14 noyabr tarixlərində hava limanı ərazisində nəqliyyat vasitələrinin park edilməsinə icazə verilməyəcək və yalnız sərnişinlərin düşürülməsi mümkün olacaq. Avtomobillərini 10 noyabr tarixindən əvvəl uzunmüddətli park etməyi planlaşdıran sürücülərdən bu məhdudiyyətləri nəzərə almaları xahiş olunur, əks halda avtomobilləri ərazidən evakuasiya ediləcək;

 

- Şəhər mərkəzindən hava limanına gələn sürücülərə Nizami küçəsi → Yusif Səfərov küçəsi → İzzət Orucova küçəsi → Fəzail Bayramov küçəsi → 8 Noyabr prospekti və Zığ şosesi marşrutunu izləmələri tövsiyə olunur. Bilgəh və Maştağa istiqamətindən gələnlər üçün Mərdəkan və Şüvəlandan keçərək Zığ şosesinə çıxış məsləhət görülür;

 

- COP29 müddətində (10-22 noyabr) H1 və H2 ekspres avtobusları sərnişinlərə hava limanına rahat çatmaq imkanı yaradacaq. H1 avtobusu 10 dəqiqəlik intervalla "28 May" metro stansiyası, H2 isə 15 dəqiqəlik intervalla "Əhmədli" metro stansiyası marşrutları üzrə fasiləsiz xidmət göstərəcək. Gediş haqqı ödənişsiz olacaq;

 

- Sərnişinlərdən mümkün nəqliyyat məhdudiyyətlərini nəzərə alaraq, uçuşdan ən azı 3 saat əvvəl hava limanında olmaları və vaxt itkisini azaltmaq üçün onlayn qeydiyyatdan keçmələri xahiş olunur.

 

Qeyd edək ki, Heydər Əliyev Beynəlxalq Aeroportu, COP29 dövründə yüksək sərnişin axını zamanı fasiləsiz və keyfiyyətli xidmətin təmin olunması üçün gücləndirilmiş iş rejimində bütün zəruri tədbirləri görməkdədir.

 

 



OXŞAR XƏBƏRLƏR

Azərbaycanın vəzifəli şəxsi məzuniyyətdə Rusiyaya getdi, faciəvi şəkildə öldü - FOTO

Rusiyada Azərbaycan vətəndaşı bədbəxt hadisə nəticəsində vəfat edib.   Sfera.az qafqazinfo.az-a istinadən xəbər verir ki, "Azəriqaz" İstehs...

"YouTube" uşaqları izləyəcək - Bəzi hesablar bloklanacaq

“YouTube” avqustun 13-dən ABŞ-də yeni qaydalar tətbiq edəcək.  Sfera.az xarici mediaya istinadən xəbər verir ki, platforma süni intellekt ...

Müğənni Dəniz Əsədova həbsdə qaldı

Həbsdə olan müğənni Dəniz Əsədovanın barəsindəki hökmdən verdiyi şikayətə baxılıb.   Sfera.az xəbər verir ki, bu barədə "Report"a vəki...

Kuril adaları yaxınlığında daha iki ZƏLZƏLƏ oldu

Seysmoloqlar çərşənbə günü yerli vaxtla axşam saatlarında Kuril adaları yaxınlığında iki zəlzələni qeydə alıblar.   Sfera.az Rusiya mətbuatına i...

Azərbaycanda ölümün əsas səbəbləri: ürək, xərçəng, travma…

Azərbaycanda 2024-cü ilin statistikasına əsasən, ölüm hallarının əsas səbəbləri məlum olub.  Sfera.az-a Dövlət Statistika Komitəsindən verilən məlumat...

Prezident Xaçaturyandan mühüm açıqlama: “Sünikin qapıları açılsa…”

Ermənistan Prezidenti Vaaqn Xaçaturyan Sünik (Zəngəzur dəhlizi - red.) sakinləri ilə görüşündə Zəngəzur dəhlizindən danışıb. Prezident qeyd edib ki, Azərbaycanı...