Metroda yenə problem - İntervaldan əlavə 11 dəqiqə gecikmə yarandı
18:07 / 15.10.2024
7698
“Həzi Aslanov-Dərnəgül” marşrutu üzrə hərəkət edən qatar “28 May” stansiyasında ikən bir vaqonunun qapısında texniki nasazlıq yaranıb.
Bu barədə Sfera.az-a “Bakı Metropoliteni” QSC-dən məlumat verilib.
Bildirilib ki, metropolitenin normativ tələblərinə uyğun olaraq, sərnişinlərin düşürülməsi zərurəti yaranıb.
Lakin stansiyada sərnişin sıxlığı səbəbi ilə sərnişinlərin qatardan düşürülməsi prosesi 10 dəqiqə davam edib. Qatar depoya yola salınıb, əvəzinə dərhal ehtiyat qatar verilib. Ümumən, hər iki xətt üzrə intervaldan əlavə 11 dəqiqə yubanma var.
