Bu ilin əvvəlindən Daxili İşlər Nazirliyinin (DİN) “E-Polis” mobil tətbiqi istifadəyə verilib. Tətbiq vasitəsilə məhkumluq, nəqliyyat vasitəsinin zədələnməsi, axtarışda olması və yüklü olması, icbari sığorta və vətəndaşın olduğu yer üzrə arayışlar üçün müraciətlər etmək və onları rəqəmsal formada əldə etmək mümkündür. Artıq “E-Polis” mobil tətbiqi vasitəsilə itirilmiş əşyanın tapılmaması, arayışın alınması barədə də sorğu göndərə bilərsiniz.

Bəs telefon itərsə və ya telefonu işlədən şəxs istərsə, “E-polis” vasitəsilə yerini müəyyən etmək olacaqmı?

Mövzu ilə bağlı Sfera.az-a açıqlamasında DİN-in Mətbuat Xidməti İdarəsinin rəisi Elşad Hacıyev bildirib ki, tətbiqin belə funksiyası yoxdur.

Onun sözlərinə görə, funksiyanın əlavə ediləcəyi gözlənilmir.

Firuzə Əliyeva