"Kapital Bank" ASC-nin dəstəyi ilə Naxçıvan Muxtar Respublikasının Təhsil Nazirliyi Nəsrəddin Tusi adına fizika-riyaziyyat olimpiadasının final turunu keçirib.

Naxçıvan şəhərində baş tutan olimpiada V-VIII sinif şagirdlərini əhatə edib.

Naxçıvan MR-nın 100 illik yubileyinə həsr olunan fənn olimpiadasında şagirdlər biliklərini məktəb, rayon və muxtar respublika olmaqla 3 turda sınayıblar. Ümumilikdə fənn olimpiadasına qatılan 5000 şagirddən 35-i qalib olub. Layihənin məqsədi istedadlı şagirdləri müəyyən edərək, onların beynəlxalq olimpiadalarda iştirakını təmin etməkdir.

Final mərhələsinin qalibləri Naxçıvan MR-nın Təhsil Nazirliyi, "Kapital Bank" və digər dəstəkçilər tərəfindən fəxri fərman və hədiyyələrlə təltif olunublar.

Ölkənin I bankı olan "Kapital Bank" "PAŞA Holdinq" MMC-yə daxildir və Azərbaycanda ən böyük filial şəbəkəsi, 117 filialı və 53 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün //kapitalbank.az saytına, 196 Sorğu Mərkəzinə və yaxud Bankın müxtəlif sosial şəbəkələrdə olan səhifələrinə müraciət edə bilərsiniz. Nağd pul krediti sifarişi üçün — //kbl.az/prgtk, "Birbank" kartı sifarişi üçün — //kbl.az/prcrc.