İnternet üzərindən edilən testlər nə dərəcədə doğrudur? - "Özlərini tanımağa çalışırlar" + AÇIQLAMA

İnsanların əksəriyyəti onlayn psixoloji testlərlə öz xarakterlərini analiz etməyə çalışırlar.

Bəs psixoloji testlər nə dərəcədə doğrudur?

Mövzu ilə bağlı Sfera.az-a danışan psixoloq Gülər Məmmədova bildirib ki, bir çox insan özlərinin xarakterik xüsusiyyətləri barədə kənardan məlumat almaq istəyir.

“Kənardan olan şahid effekti ilə özlərinə qiymət verməyə üstünlük verirlər. Hər bir insana özünün psixoportreti daima maraqlı olub. Ona görə də, internet üzərindən təqdim edilən testlər simulyativ xarakter daşısa da, insanlar bu üsulla özlərini tanımağa çalışırlar. Bu testlerin effektiv nəticələri olmasa da, insanların inancları ilə düz mütənasib olurlar”.

Psixoloq qeyd edib ki, həmin testləri edən insanlar aldıqları cavablara inanır və bununla kifayətlənirlər.

“Cavablar müsbət olduğu təqdirdə bu insanlara çox xoş təsir bağışlayır. Nəticələr neqativ olduqda isə insanlar bununla razılaşmırlar. Bu testləri edən zaman nəticələri yalnız özləri görürlər deyə obyektiv cavablar verirlər. Lakin bu testlərin nəticələri 100 faiz doğru olmur. Ona görə bu testlərin nəticələrinə görə, planlar qurmaq və yaşamaq düzgün deyil”.

Ülkər Abdurahmanlı