“Son aylar bir sıra adamlar bilmədən, bəzi alçaq, murdar düşüncəlilər isə qəsdən haqqımda müxtəlif şaiyələr uydururlar”.

Sfera.az bildirir ki, bunu Milli Kulinariya Mərkəzinin keçmiş baş direktoru Tahir Əmiraslanov deyib. O qeyd edib ki, Milli Kulinariya Mərkəzi o yaradana qədər heç bir dövlətdə yox idi:

“1991-1997-ci illərdə dövlətin pulu olmayanda işçilərin maaşı, ezamiyyələri, ofis xərclərini şəxsi və dostlarımın vəsaiti hesabına ödədim. Bu vəzifədən məni çıxartdılar , amma bu, tragediya deyil. Mən Orxanın (Fikrətoğlu) əlini sıxdım, qucaqladım, uğur arzuladım və halallıq verib getdim. Heç kəsdən inciyib küsməmişəm. Adam doğmalarından küsər. Kitab yandırmağıma gələndə bu qətiyyən kitab oxumayanların işi deyil. Mən öz şəxsi pulumla aldığım kitabxananı 31 il mərkəzin istifadəsinə verdim. Bu, mənim şəxsi əmlakımdır. İndi kitab oxuyanları barmaqla saymaq olar. Kitab oxumayana kitab vermək yandırmaqdan betərdi. Kitablarım əksər kitabxanalarda, təhsil müəssisələrində, alimlərdə, lazım olan istifadə edən hər kəsdə var”.

T.Əmiraslanov dövlətdən özü və ailəsi üçün maddi heç nə istəmədiyini vurğulayıb: “Dövlətimə, millətimə sevgim və sədaqətim qəlbimdən, irsimdən, qanımdan gəlir - mədəmdən, madiyyatdan yox”.

Türkan