Əliyev-Putin görüşü Çində baş tuta bilərmi?- Peskovdan açıqlama

“Çində Şanxay Əməkdaşlıq Təşkilatının sammiti çərçivəsində Rusiya Prezidenti Vladimir Putinlə Azərbaycan Prezidenti İlham Əliyev arasında söhbətin baş tutması mümkündür. Onların bu tədbirdə görüşmək imkanı olacaq”.

fera.az xəbər verir ki, bu sözləri Rusiya dövlət başçısının mətbuat katibi Dmitri Peskov deyib.

Peskov belə bir görüşün baş tutmasına ümidvar olduğunu söyləyib.

“Ən azı, belə bir fürsət olacaq”, - deyə Kreml sözçüsü bildirib.

Qeyd edək ki, Çinin Tiencin şəhərində keçirilən Şanxay Əməkdaşlıq Təşkilatının (ŞƏT) sammitində 20-dən çox xarici ölkə lideri iştirak edir.