Astrolojiya dünyasında hər bir bürcün özünəməxsus enerjisi var. Bəziləri ətrafına günəş kimi işıq saçır, bəziləri isə sanki bütün ümidi içinə çəkir. Xüsusilə ikili münasibətlərdə, həyata baxış tərzlərində və gözləntiləri qarşılanmadıqda göstərdikləri reaksiyalar bu bürclərin “ümidsiz” kimi tanınmasına səbəb olur.

Bəs astroloqlara görə, zodiakın ən bədbin üzvləri hansılardır?

Sfera.az bildirir ki, zodiak dairəsində yer alan bəzi bürclər doğuşdan gələn həssas xarakterləri və həyata dair yüksək gözləntiləri səbəbindən ümidsizliyə digərlərindən daha çox meyllidirlər. Bu insanlar üçün bədbinlik sadəcə keçici bir hiss deyil, sanki daim üzərlərində gəzən bir ruh halıdır.

Onlar zahirən gülümsəsələr də, daxilən yaşadıqları məyusluqlar, dərin xəyal qırıqlıqları və daxili narahatlıqlar həyatlarına ciddi təsir edir. Xüsusilə emosional münasibətlərdə yaşanan uğursuzluqlar bu bürclərin ümidsizliyini daha da artırır.

Bəs bu bürclər hansılardır?

Zodiakın ən bədbin, ümidini tez itirən və ətrafına qaranlıq enerji yayan 5 bürcü təqdim edirik:

ŞİR BÜRCÜ

Şirlər diqqət mərkəzində olmağı sevirlər. Özlərinə inamlı və güclü görünsələr də, xüsusilə ikili münasibətlərdə çox dəqiq və yüksək gözləntilərə sahibdirlər. Bu gözləntilər reallaşmadıqda Şir bürcü dərin məyusluq və ümidsizlik hiss edə bilər. Həyatlarını planlı şəkildə qurmağı sevirlər və planlarının pozulması onları ciddi şəkildə narahat edir.

QOÇ BÜRCÜ

Qoçlar səbirsiz və tez nəticə görmək istəyən insanlardır. Qarşılarına maneələr çıxdıqda emosiyalarını idarə etməkdə çətinlik çəkə bilərlər. Məqsədlərinə çatmaq üçün yüksək ambisiyaya sahib olmaları, uğursuzluq zamanı onları ümidsiz və aqressiv edə bilər.

ƏQRƏB BÜRCÜ

Əqrəblər duyğularını çox dərin və intensiv yaşayırlar. Xüsusilə sevgi mövzusunda həddindən artıq bağlana bilirlər. Bir məqsədə kökləndikdə məntiqi kənara qoymaları, zamanla onları psixoloji olaraq yorur və ümidsizliyə sürükləyir.

BUĞA BÜRCÜ

Buğa bürcü üçün təhlükəsizlik və sabitlik ön plandadır. Tək qalmaqdan xoşlanmırlar və münasibətə böyük önəm verirlər. Bu səbəbdən bəzən tələsik qərarlar verə, uyğun olmayan münasibətlərə daxil ola bilərlər. Bu da sonradan xəyal qırıqlığı yaradır.

TƏRƏZİ BÜRCÜ

Tərəzilər qiymətləndirilmək və təqdir olunmaq istəyirlər. Münasibətlərdə emosional bağ qurduqda, onu itirməmək üçün həddindən artıq səy göstərə bilərlər. Bu həssaslıq onları daxildən yorur və ümidsiz hiss etmələrinə səbəb olur.

Altay

Sfera.az

Ən ümidsiz 5 BÜRC – Gülüşlərinin arxasında dərin bədbinlik gizlənir