Azərbaycanda tibbi turizmin inkişafına xidmət edəcək yeni “Y.S Tibbi Turizm Mərkəzi” fəaliyyətə başlayıb. Bununla bağlı məlumatı Tribuna-ya Mərkəzin rəhbəri, səhiyyə marketinqi üzrə mütəxəssis Nərminə Mahmudova bildirib.

Sfera.az xəbər verir ki, Mahmudovanın sözlərinə görə, Mərkəzin təsis olunamsında əsas məqsəd Azərbaycanın sağlamlıq xidmətləri sahəsində əldə etdiyi yeniliklərin xarici ölkələrdə tanıdılması və ölkənin tibbi turizm potensialının gücləndirilməsidir.

O bildirib ki, bir çox ölkələrdə tibbi xidmətlərin qiyməti son dərəcə yüksəkdir, bəzi müdaxilələr isə ya çox bahalı, ya da ümumiyyətlə qadağandır: “Xüsusilə stomotoloji müalicələr, estetik prosedurlar və müəyyən cərrahi əməliyyatlar bəzi ölkələrin vətəndaşları üçün əlçatmazdır. Bizim başlıca missiyamız həmin ölkələrdən xəstələrin Azərbaycana yönəldilməsi və burada keyfiyyətli, əlçatan tibbi xidmətlə təmin olunmasıdır”.

Açıqlamada qeyd olunur ki, bu fəaliyyət həm dövlət, həm də cəmiyyət üçün çoxsaylı üstünlüklər yaradacaq: “Bir tərəfdən ölkəyə əlavə turist axını təmin olunacaq, digər tərəfdən Azərbaycan həkimlərinin peşəkarlığının beynəlxalq aləmdə tanıdılmasına töhfə verəcəyik.”

“Y.S Tibbi Turizm” yaxın günlərdə bir sıra xarici tərəfdaşlarla əməkdaşlıq memorandumları imzalayacağını da açıqlayıb.

“Y.S Tibbi Turizm Mərkəzi” fəaliyyətə başladı