Növbəti dörd həftə ərzində bəzi bürclər üçün “karmik quyruqların” tamamlanması dövrü başlayır. Bu müddətdə onlar müəyyən sınaqlardan keçəcək, lakin yazın əvvəlində həyatlarında mühüm dəyişikliklərin şahidi olacaqlar.

Sfera.az xəbər verir ki, fərdi ulduz falı üzrə tanınmış astroloq və bloq müəllifi Olqa Maslova qışın sonunadək dörd bürcün karmik hekayəsini tamamlayacağını bildirib. Həmin bürclər Şir, Buğa, Əqrəb və Dolçadır.

Astroloqun sözlərinə görə, bu dövr mənfi hadisələr deyil, artıq faydasını itirmiş proseslərdən və münasibətlərdən ayrılmaqla xarakterizə olunur:

“Karmik hekayə həyatınızda vacib bir mərhələnin başa çatması deməkdir. Bu, cəza və ya yeni çətinlik deyil. Sadəcə, köhnə və artıq sizə xidmət etməyən hər şeyi buraxmağın vaxtıdır. Pluton planeti güclü dəyişikliklər gətirir və hazırda Dolça bürcü ilə əlaqədə olması gələcəkdə transformativ proseslərdən xəbər verir. Əhəmiyyətsiz qapılar bağlanır — ya biz özümüz bağlayırıq, ya da Kainat bunu bizim yerimizə edir”.

Şir

Şir bürcü üçün əsas dəyişikliklər sevgi və münasibətlər sahəsində baş verəcək.

Maslova bildirir ki, bu dövrdə həyatınıza daxil olan insanlar sizin üçün bir növ güzgü rolunu oynayacaq. Bu proses Şirləri özlərini ifadə etməyə və uzun zamandır arzuladıqları yeni mərhələyə qədəm qoymağa hazırlayır.

Buğa

Buğa bürcü nümayəndələri üçün qarşıdakı dövr karyera baxımından ümidverici görünür.

Astroloqun sözlərinə görə, uzun müddət narahatlıq yaradan məsələlər sona çatır və 2026-cı ildə Buğalar gözlənilmədən peşə dəyişikliyi edə bilərlər.

Əqrəb

Əqrəblər üçün əsas mövzu maliyyə və iş həyatı ilə bağlı olacaq.

Maslova qeyd edir ki, bu bürcün nümayəndələri risk almağa hazırdırlar və öz bizneslərini qurmaq istiqamətində addımlar ata bilərlər. Mövcud iş mühiti onları qane etmirsə, bu dövr dəyişiklik üçün ideal zamandır.

Dolça

Astroloqun sözlərinə görə, Dolça Plutonun əsas təsiri altında olan bürcdür.

Qışın sonuna doğru Dolçalar sanki uzun yuxudan oyanmış kimi hiss edəcəklər. Son iki ildə hərəkətsiz və yavaş tempdə olduqlarını düşünən bu bürc nümayəndələri artıq aktivlik və köklü dəyişikliklər arzusundadır.

Aynil

Bu BÜRCLƏR qışın sonuna qədər dözməli olacaq