Polşa prezidenti nüvə silahı istəyir: "Buna imkan yaradılmalıdır"

Polşa Prezidenti Karol Navrotski bildirib ki, ölkəsində xarici nüvə silahlarının yerləşdirilməsinə imkan yaradılmalı və nüvə energetikası inkişaf etdirməlidir.

 

Sfera.az xəbər verir ki, o, bu fikirləri Fransanın LCI televiziya kanalına müsahibəsində səsləndirib.

“Polşa Prezidenti olaraq hesab edirəm ki, ölkəmiz NATO-nun "Nuclear Sharing" (Nüvə Paylaşımı) proqramında iştirak etməlidir”, – deyə Navrotski vurğulayıb. 

Onun sözlərinə görə, Polşa həmçinin öz nüvə texnologiyalarına, o cümlədən atom energetikasına sahib olmalıdır.

Bununla belə, o, Polşanın öz nüvə silahlarını əldə etməsi ilə bağlı konkret mövqe açıqlamayıb:

 

“Bu barədə danışmaq üçün hələ tezdir”.

 

Niyaz Hacıyev
Sfera.az