Bakıda narkokuryerlərə qarşı əməliyyat: İki nəfər saxlanıldı

Bakıda polis əməkdaşları tərəfindən narkotik vasitələrin qanunsuz dövriyyəsinə qarşı növbəti əməliyyat keçirilib.

Sfera.az xəbər verir ki, Baş Narkotiklərlə Mübarizə İdarəsinin məlumatına görə, keçirilən tədbirlər zamanı 20 yaşlı H.Əliyev Nəsimi rayonu, 45 yaşlı V.Mirzəyev isə Sabunçu rayonu ərazisində saxlanılıblar.

Onlardan 2 kiloqramdan artıq marixuana, heroin və psixotrop maddə — metamfetamin götürülüb.

İdarədən bildirilib ki, saxlanılan şəxslərin daxil olduqları narkoşəbəkənin digər üzvlərinin də müəyyənləşdirilərək məsuliyyətə cəlb olunması istiqamətində əməliyyat-istintaq tədbirləri davam etdirilir.

Bəsti Rəfizadə
Sfera.az