Dünyanın ən varlı adamının ailəsində ağır itki - FOTO
Amerikalı milyarder Ceff Bezosun anası 78 yaşlı Ceklin Bezos demensiya ilə uzun sürən mübarizədən sonra dünyasını dəyişib.
Sfera.az bildirir ki, Ceklin Bezos 1995-ci ildə 250.000 dollara yaxın sərmayə qoyaraq oğlunun “Amazon” şirkətinə ilk investorlardan biri olub.
Bezosun özü sosial şəbəkədə sadəcə Ceki adlandırılan anasının ölümünü elan edib. Ceklin Bezos avqustun 14-də Mayamidəki evində ailəsinin əhatəsində vəfat edib. “Amazon”un qurucusu onu həyatı boyu sevgisi və möhkəmliyi ilə müşayiət edən bir insan kimi xatırladığını, həmçinin onun şirkətinə indi trilyonlarla dəyərində olan ilk sərmayəni məhz anası etdiyini bildirib.
Milyarder anasının arxiv fotosunu paylaşaraq: "Demensiya ilə uzun sürən mübarizədən sonra Levi bu gün onu sevən bir çoxumuzun - uşaqlarının, nəvələrinin və atamın əhatəsində dünyasını dəyişdi. Bilirəm ki, o, bizim sevgimizi son anlarda da hiss edib. Onun həyatında olduğumuz üçün hamımız çox şanslıyıq. Mən onu həmişə ürəyimdə yaşadacağam" - yazıb.
Ceffin həyat yoldaşı Lauren Sançez də ailədəki itki xəbərinə reaksiya verib:
"Onun üçün çox darıxacağıq. Səni sevirik". Jurnalist İnstaqramda qayınanasının ürək emojisi ilə fotosunu da yerləşdirib.
Qeyd edək ki, 2020-ci ildə dünyanın ən zəngin adamlarından birinin anasına Lewy bədəni demensiyası diaqnozu qoyulub. Həyat yoldaşı Migel Mayk bu çətin vaxtda onun yanında qaldı. Xüsusilə ailə bu illər ərzində köməklik göstərən tibb işçilərinə minnətdarlığını bildirib.
Maraqlıdır ki, 1995-ci ildə Ceklin və Bezosun ögey atası Migel “Amazon”a təxminən 250 min dollar sərmayə qoyub. Məbləğ çox riskli idi, çünki o zaman İnternet o qədər də populyar deyildi. Bununla belə, investisiya öz bəhrəsini verdi: sərvət hazırda 243 milyard dollardan çox qiymətləndirilir, “Amazon” isə təxminən 2 trilyon dollar dəyərindədir.
Gələcək milyarder 17 aylıq olanda onu 17 yaşında dünyaya gətirən Ceklin oğlunun atası Ted Yorgensendən boşanıb və daha sonra uşağı övladlığa götürən kubalı qaçqın Migel Mayk Bezosla evlənib.
Aysel
