Bu qədim xalq da türklər imiş - Azərbaycanlı alim bunu sübut etdi

Azərbaycanlı alim saklara məxsus kuzə üzərində olan yazını oxuya bilib.

ATV.az xəbər verir ki, uzun illər bu kuzənin üzərində olan yazı dünya alimlərinin marağında olub.

Məsələ burasındadır ki, bu yazı oxunsa, önəmli bir suala cavab tapılacaq— Saklar hansı dildə danışırdılar?

Azərbaycanlı alim Elşad Əlili iddia edir ki, gümüş kuzə üzərindəki yazı qədim türk dilindədir. Bu iddia Qərbin türklərin tarixi barəsində olan fikrini tam dəyişə bilər. Türk tarixini daha qədim köklərə bağlayar. Alimin sözlərinə görə, kuzə üzərindəki yazının mənası aşağıdakı kimidir: "Oğa sen anq iç sak. Söz ereng ögünc səs-üni erir üzə”— "Sak, sən öz xalqının adı üzərinə and iç.”