Bu məhkəmələrin sədrləri vəzifədən azad olunur
14:33 / 18.05.2021
2227
Bakı Apellyasiya Məhkəməsinin sədri İman Nağıyevin vəzifəsindən azad olunaraq Ali Məhkəməyə hakim təyin edilməsi barədə layihə Milli Məclisə daxil olub.
Sfera.az xəbər verir ki, bununla bağlı məsələ Milli Məclisin Hüquq siyasəti və dövlət quruculuğu komitəsinin bu gün keçirilən müzakirəyə çıxarılıb.
İclasda həmçinin Sumqayıt Apellyasiya Məhkəməsinin sədri Səadət Bəktaşinin və Şəki Apellyasiya Məhkəməsinin sədri Mübariz Əkbərovun vəzifələrindən azad edilərək Bakı Apellyasiya Məhkəməsinin hakimi təyin edilməsiylə bağlı layihə müzakirə edilib. Bundan əlavə, Gəncə Apellyasiya Məhkəməsinin sədri Tapdıq Mahmudov da vəzifəsindən azad ediləcək.
Milli Məclisin müvafiq şöbəsində müdir müavini kimi çalışan Səyyad Kərimovun da Ali Məhkəmənin hakimi təyin edilməsiylə bağlı layihə müzakirəyə çıxarılıb.
Qeyd edək ki, Bakı Apellyasiya Məhkəməsinin yeni sədrinin Səadət Bəktaşi olacağı bildirilir.
Sözügedən layihələr müzakirə edildikdən sonra Milli Məclisin plenar iclasının gündəliyinə təklif edilib.
