No Image
No Image

“Bu icra başçıları vəzifələri ilə vidalaşacaq, bu iki nazirlikdə isə...” – Kadr islahatlarının yeni hədəfləri

“Bu icra başçıları vəzifələri ilə vidalaşacaq, bu iki nazirlikdə isə...” – Kadr islahatlarının yeni hədəfləri
"Rayon icra hakimiyyəti başçılarının əksəriyyəti vəzifələrilə vidalaşacaq, Əmək və Əhalinin Sosial Müdafiəsi Nazirliyində və Kənd Təsərrüfatı Nazirliyində kadr dəyişikliyi olacaq”.

Bunu Sfera.az-a açıqlamasında Prezident İlham Əliyevin "kimsə özünü toxunulmaz hesab etməsin” fikrinin növbəti kadr islahatlarının anonsu kimi dəyərləndirilməsinə münasibət bildirərkən politoloq Cümşüd Nuriyev deyib:

"Prezident hələ Şuşaya səfərində milli kadrların hakimiyyətdə təmsil olunacağı mesajını vermişdi. Sumqayıtda olarkən Prezident bu fikrini bir qədər də genişləndirdi. Cəmiyyətimizdə dövlət məmurlarından narazılıq dalğası yaranıb.  Xüsusən də şəhid və qazi ailələrinə göstərilən diqqətsizliklə bağlı problemlər var. Bu mənada Prezidentin həmin açıqlaması ilk növbədə icra hakimiyyəti strukturlarında kadr islahatlarının olmasını aktual edir. İnsanlar daha çox məhz bu sahəyə rəhbərlik edən bəzi məmurların haqsızlığı ilə üzləşir. Rayon icra hakimiyyəti başçılarının əksəriyyətinin dəyişiləcəyi gözlənilir.

Nazirliklər arasında isə yerlərdə əsas narazılıq Əmək və Əhalinin Sosial Müdafiəsi Nazirliyilə və Kənd Təsərrüfatı Nazirliyindəndir. Bu iki nazirlikdə də müəyyən kadr dəyişikliyinin həyata keçiriləcəyi gözləniləndir”. 

"Konstitusiya islahatları ola bilər”

Bunu isə açıqlamasında ReAL-ın icra katibi Natiq Cəfərli söyləyib: "Azərbaycanda 2016-cı ildən bəri istər yerli özünüidarəetmədə, mərkəzi hökumət və ya Prezident Adminstrasiyasında, Nazirlər Kabinetində  kifayət qədər ciddi kadr dəyişiklikləri olub. Yəqin ki, bu davam edəcək. Amma daha vacibi yeni idarəetmə modeli və fəlsəfəsinə keçidlə bağlı Prezidentin söylədikləridir.

Bu yerli özünü idarəetmənin gücləndirilməsi, icra hakimiyyəti institutunun ləğv edilib, əvəzində daha effektiv institutların yaradılması, ciddi kadr dəyişikliklərinin olması ola bilər. Bütünlükdə oyun qaydaları və idarəetmə sistemi fəlsəfəsinin dəyişdirilməsi vacibdir. Fikrimcə, artıq Azərbaycan həmin mərhələyə yaxınlaşıb.  Qarşıda bizi maraqlı qərarlar gözləyir. Hətta Konstitusiya islahatlarının reallaşması ehtimalı da var”.

Elçin
Sfera.az

Turan Bank

OXŞAR XƏBƏRLƏR

Niyə baha uçuruq? – Aviabiletlərin bahalığı turizm sektorunu çökdürüb

Pandemiya səbəbindən dünyada bütün istiqamətlər üzrə uçuşlar bahalaşıb. Bahalaşma ölkəmizdən də yan keçməyib. Hazırda Bakıdan uçuş həyata keçirilən bütün isti...

Xocalıdakı son toyun gəlini Sfera.az-a danışdı: “Dedilər, mağarı vuracaqlar...”

Xocalı soyqırımının 29-cu ildönümü – Hər il xatırladığımız, xatırlamalı olduğumuz faciə...   Amma bu dəfə başqa cür anılacaq. Çünki ordumuz illərdir...

Marketlərdə bizi belə aldadırlar – Ekspert “pul tələsi”ndən çıxmağın yollarını açıqladı

Son zamanlar vətəndaşların mağazalarda ən çox qarşılaşdıqları problemlərdən biri də malların qiymətinin piştaxtadakı qiymətdən fərqli olaraq, "sistem”də daha ...

Azərbaycandan 5 milyardı kimlər çıxardıb? - SENSASİYA

2020-ci ilin yayında Mərkəzi Bank "AGBank”ın ləğvi haqda qərarını açıqladı. Qərarda qeyd olunurdu ki, "AGBank” ASC-də də müvəqqəti inzibatçı tərəfindən aparılmı...

"Bu avtomobilləri yerindən tərpətməsəniz yaxşıdır" - Nəqliyyat eksperti xəbərdarlıq etdi

Artıq gecə saatlarından etibarən paytaxt ərazisində fasiləsiz olaraq qar yağır. Bu isə öz növbəsində şəhərdə nəqliyyatın hərəkətini demək olar ki, iflic vəziy...

“Qar bir neçə gün davam etsə, iflic vəziyyətə düşəcəyik” – Bakı yenə hazırlıqsız yaxalandı

"Dünən axşamdan müşahidə edilən qarlı-çovğunlu hava şəraiti paytaxt yollarında nəqliyyat vasitələrinin hərəkətini çətinləşdirib. Bir sıra istiqamətlərdə, xüs...