Əməkdar artist Bəhram Bağırzadə arxiv fotolarını paylaşıb.

Sfera.az xəbər verir ki, aktyor illər əvvəl 25 mayda olan "Son zəng"ini xatırlayıb:

"25 may… Bir çox bakılı üçün bu tarix sadəcə təqvimdə bir gün deyil. Bu, məktəb dəhlizlərinin qoxusu, ağ bantlar, səliqə ilə ütülənmiş forma, son zəng öncəsi həyəcan və o zaman göstərməyə utandığımız göz yaşlarıdır. Zaman keçdikcə tarixlər dəyişsə də, bizim üçün "Son zəng" həmişə məhz 25 may olaraq qalacaq. Məktəb illəri inanılmaz dərəcədə gözəl idi… Yeməkxanadakı isti bulkaların, dərsdən sonra içilən qazlı suyun, həyət futbolunun, "şparqalka"ların, ilk sevginin, arxa partalardakı gülüşlərin və zamanın sınağından çıxmış dostluğun dadı vardı o illərin.

Onlar səs-küylü, şən, səmimi və çox həqiqi idi. Bu gün mən nə vaxtsa məktəbi 25 mayda bitirən hər kəsi və bu gün son zəngini eşidən məzunları təbrik etmək istəyirəm. Bu xatirələri qoruyun - illər keçdikcə onlar daha da qiymətli olur.

Və ayrıca demək istəyirəm: Əziz sinif yoldaşlarım, həyatımda olduğunuz, var olduğunuz və əminəm ki, həmişə olacağınız üçün sizə təşəkkür edirəm. Uşaqlığımız, gəncliyimiz, gülüşümüz, dəstəyimiz və zamanın heç vaxt silə bilməyəcəyi xatirələr üçün təşəkkür edirəm". Musavat.com

Bəhram Bağırzadədən duyğusal paylaşım - FOTOLAR