Bu gün Günəş fırtınası Dünyanı vuracaq - İnternet çökəcək

 

Sfera.az bildirir ki, bu barədə ABŞ Milli Okean və Atmosfer Tədqiqatları İdarəsi (NOAA) məlumat yayıb. Qeyd edilib ki, 100 ildə bir dəfə yaşanan hadisə Yerin maqnit sahəsinə təsir edəcək.

GPS, mobil telefonu, internet və TV siqnallarında qəzaların baş verə biləcəyi bildirilib. Qurumun məlumatına görə, Günəş fırtınasının sabaha qədər davam etməsi gözlənilir. Mütəxəssislər həmçinin, Günəşin maqnit fırtınalarının İrlandiyanın şimalında görüləcəyini də açıqlayıb.

Xatırladaq ki, 1921-ci ilin may ayında baş verən 3 günlük geomaqnit fırtınası nəticəsində ABŞ və İngiltərə də daxil olmaqla, dünyanın müxtəlif yerlərində elektrik və teleqraf idarəetmə orqanlarında yanğınlar baş vermişdi. Kaliforniya Universitetinin araşdırmasına görə, bənzər fırtınalar hər 100 ildən bir baş verir. Ancaq daha öncəki yüzilliklərdə Dünyada internet sistemi yox idi, yəni planet ilk dəfə "internet çöküşü" ilə üzləşəcək.