Boğazı üzülən şəxs həyata qaytarıldı - Bakıda unikal əməliyyat

Boğazı üzülən şəxs həyata qaytarıldı - Bakıda unikal əməliyyat
Respublika Klinik Xəstəxanasında başı kəsilən şəxsin üzərində unikal əməliyyat həyata keçirilib.

Sfera.az xəbər verir ki, sentyabrın 13-də saat 14-15 radələrində Təcili Tibbi Yardım tərəfindən özünü Azər Məmmədov kimi təqdim edən şəxs klinikaya boğazın kəsilməsi yarası ilə daxil olub. Həkim cərrah Fariz Camalovun rəhbərlik etdiyi əməliyyat qrupu yaralıya ilkin yardım göstərdikdən sonra bir necə saat davam edən ağır əməliyyat icra edib: "Təftiş zamanı məlum oldu ki, xəstənin udlaq və qıtlağı, tiloid vəzin yuxarı qütbü, sol vena və sinir dəsti kəsilmişdir. Xəstənin vəziyyəti kritik ağır olduğundan qıtlaq kəsilən yerdən xəstə intubasiya olundu. Sonra udlaq plastika edildi. Traxiya bərpa olundu”.

Əməliyyatdan dərhal sonra xəstə reanimasiya şöbəsinə yerləşdirilib. Uğurlu əməliyyatdan iki gün sonra xəstə burundan keçməklə boğaza yerləşdirilmiş xüsusi boru vasitəsi ilə qidalanıb: "Əməliyyatdan 5 gün sonra xəstə özü tibb işçiləri olmadan sözü gedən borunu burnundan çıxarıb qida qəbul edib. Bu isə əməliyyatdan sonra yolverilməz hesab olunur. Lakin əməliyyatın uğurla keçməsi səbəbindən xəstədə hər hansı bir problem yaranmadı.

Fariz Camalov deyir ki, 35 illik həkim təcrübəsində bu kimi əməliyyatla qarşılaşmayıb: "Qeyri odlu silah yaralanmalarında qıtlaq və udlağın, damar sinir dəstəsinin zədələnməsi bir yerdə ola bilməz. Lakin bizim xəstədə bütün bunlar bərabər baş verib. Buna baxmayaraq biz plastikanı icra etdik. Qanaxmanı dayandırdıq. Bu gün xəstəmizin vəziyyəti stabildir. Müalicə davam edir 4-5 günə yaralını evə yazarıq”.

Özünü Azər Məmmədov kimi təqdim edən yaralı ilə qısa söhbət etmək imkanımızda oldu. Xəstənin səs tellərində problem olduğundan suallarımıza ətraflı cavab ala bilmədik.


Qeyd edək ki, əməliyyatın aparılmasında tibbi və texniki vasitələrin təminatı Tibbi Sığorta tərəfindən həyata keçirilib.

Daxili İşlər Nazirliyinin Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyevin APA TV-yə verdiyi məlumata görə, ilkin ehtimalla Azər Məmmədov narkotik istifadəçisidir. Onun ülgüclə boğaz nahiyəsindən özünə xəsarət yetirməsi ehtimal olunur.

Faktla bağlı rayon polis idarəsində araşdırma aparılır.
 

(apa tv)
Sehliyali
Turan Bank

OXŞAR XƏBƏRLƏR

Boğazı üzülən şəxs həyata qaytarıldı - Bakıda unikal əməliyyat

Respublika Klinik Xəstəxanasında başı kəsilən şəxsin üzərində unikal əməliyyat həyata keçirilib. Sfera.az xəbər verir ki, sentyabrın 13-də saat 14-15 radə...

Koronavirusdan sonra qalan fəsadları necə aradan qaldırmaq olar? - VİDEO

Yüngül və ya ağır keçirilməsindən asılı olmayaraq, koronavirusun kəskin dövrü, yəni 14 gün ötdükdən sonra bəzi şəxslərdə müəyyən əlamətlər qalır. Sfera.az...

Həkimdən epidemioloji vəziyyətlə bağlı pozitiv AÇIQLAMA - VİDEO

Peyvəndlənmə prosesi bu sürətlə davam edərsə, epidemioloji vəziyyət payızda sərt olmayacaq. Sfera.az xəbər veirr ki, bunu ABR24-ün "Nə baş verir?” veriliş...

Peyvənd vurduranlarla bağlı həkimdən açıqlama - VİDEO

"Peyvəndin birinci dozasından sonra koronavirusa yoluxan şəxslərə ikinci dozanın vurulub-vurulmaması vətəndaşların öz şəxsi seçimi əsasında olsa, daha doğru ola...

Azərbaycanda bu dərmanlar pulsuz oldu - 54 MİN QUTU VAR - VİDEO

Azərbaycanda antenatal qulluq üzrə klinik protokollara əsasən hər bir hamilə qadına fol turşusu və profilaktik doza dəmir preparatı təyin olunmalıdır. Sfe...

İstifadə etdiyimiz maskalarda qurd var? - VİDEO

Bakıda tibbi maskaların birinin üzərində aparılan kiçik təcrübə geniş müzakirələrə səbəb olub. Sfera.az  xəbər verir ki, tanınmış aparıcı Firuzə Cəli...