“Birinci atəşi ABŞ-lı həmsədr Hoqland açdı...” – Diplomatın etirafları Minsk Qrupunu necə “dəfn etdi”?
12:20 / 06.04.2021
789
"Rusiya və ABŞ diplomatları fəxrlə deyirdilər
ki, iki ölkənin bir çox məsələlərdə dərin fikir ayrılıqları olsa da, Dağlıq
Qarabağ münaqişəsinin həllinə ortaq baxışı var və Minsk Qrupunda az qala əl-ələ
əməkdaşlıq edirlər. Müharibəyə qədər bu, bəlkə də belə idi. Ancaq indi Rusiya
ilə Amerikanın Minsk Qrupundakı birgə fəaliyyəti də alt-üst oldu və gerçəklər
üzə çıxdı”.
Sfera.az xəbər verir ki, bunu "Atlas”
Araşdırmalar Mərkəzinin rəhbəri, politoloq Elxan Şahinoğlu deyib. O bildirib
ki, birinci atəşi ABŞ-ın Minsk
Qrupundakı keçmiş həmsədri Riçard Hoqland açıb:
"O, məqalə yazaraq həmsədrlərin münaqişənin həllindən
çox 5 ulduzlu otellərdə qaldıqlarını və bahalı restoranlarda nahar etdiyini bəyan
etdi. Amerikalı diplomat rusiyalı həmkarının iç üzünü də bu cümlə ilə ortaya
qoydu: "Rusiyalı həmsədr Popov "Lavrov planı”nın reallaşacağına inanmırdı”.
Amerikalı diplomatın ard-arda gələn etirafları Kremlin və rusiyalı
diplomatların, o cümlədən Lavrovun və Popovun xoşuna gəlməyəcəyi aydındır.
Bundan sonra iki ölkə həmsədrlərinin birgə fəaliyyəti və bu fəaliyyət zamanı bir-birlərinə
inanaraq qapalı görüşlərin detallarını müzakirə etməsi mümkün görünmür”.
Politoloqun sözlərinə görə, Riçard Hoqland
etiraflarla zəngin məqalə qələmə almaqla Minsk Qrupunun gələcək fəaliyyətinə zərbə
vurub:
Günay
