No Image
No Image

“Binada pul çap edən fabrik də olacaq ki...” – Mərkəzi Bankın 450 milyonluq yeni binasına ETİRAZ

“Binada pul çap edən fabrik də olacaq ki...” – Mərkəzi Bankın 450 milyonluq yeni binasına ETİRAZ
"Qərar səhvdir və indiki reallığı nəzərə alaraq ləğv edilməlidir”

Bu sözləri Sfera.az-a açıqlamasında 450 milyon manata Mərkəzi Banka yeni inzibati bina tikilməsi qərarına münasibət bildirərkən iqtisadçı ekspert Natiq Cəfərli deyib:

"Bu günə qədər dövlət şirkət və qurumlarına yeni inzibati binanın tikintisilə bağlı bu heç bir əsaslandırmanın şahidi olmamışıq. Belə qərarlar əksər hallarda vətəndaşlarımız tərəfindən ciddi şəkildə neqativ reaksiyaya səbəb olub. 1998-ci ildə Mərkəzi Bank üçün tikilən bina müasir olmaqla yanaşı, şəhərin mərkəzində yerləşir. Mərkəzi Bankın əməkdaşları da o qədər çox deyil ki, yeni şəraitə ehtiyac yaransın. Ona görə də bu qərar anlaşılan və məntiqli deyil. Pandemiya şəraitində, azad edilmiş torpaqlarımızın bərpası istiqamətində böyük vəsaitlərə ehtiyac olduğu bir zamanda belə bir qərarın verilməsi haqlı olaraq qıcıq doğurur”.

N. Cəfərlinin fikrincə, heç bir ehtiyac və Mərkəzi Bankın hansısa əsaslandırması olmadan bu tikinti ondan xəbər verir ki, qərar öncədən verilib və bu zaman yeni reallıqlar nəzərə alınmayıb:

"Layihənin qalibi olan Türkiyə şirkəti "Tekfen”in uzun illər Azərbaycanda çalışdığını nəzərə alsaq, çox güman ki, sözügedən layihə ciddi şəxsi münasibətlərin, əlaqələrin nəticəsidir. Bu istiqamətdə keçirilən tenderlə bağlı hər hansı məlumat yoxdur. Təəssüf ki, həyata keçirilən bu cür böyük layihələrin əksəriyyətindən korrupsiya qoxusu gəlir. Təsəvvür edin, ehtiyac olmadan bir binanın tikintisinə pandemiya dövründə 600 min əhaliyə 190 manat məbləğində verilən birdəfəlik müavinət qədər vəsait ayırırlar. Bu biabırçı haldır.

Mərkəzi Bank əlavə dəyər yaradan qurum deyil. Binaya xərclənəcək vəsait sadəcə izafi xərcdir. Onun geri dönüşü mümkünsüzdür. Qərar büsbütün səhvdir. İndiki reallığı nəzərə alaraq həmin qərar ləğv edilməli idi”.

"Yeni binada pul çap edən fabrik olarsa, onu başa düşmək olardı”

Bu açıqlama isə bank eksperti Əkrəm Həsənova məxsusdur:

"Mərkəzi Bankın indiki əsas binasının tikintisinə çəkilən xərc indi tikilən binanın qiymətinin heç 10 faizi qədər deyildi. Nə baş verdi, nə dəyişdi ki, indi şəhərin mərkəzində olmayacaq yeni binanı 10 dəfə baha tikirlər? Yeni binada pul çap edən fabrik də yaradılarsa, bu layihəni hardasa başa düşmək olardı. Amma bu da yoxdur”.

Ə. Həsənov düşünür ki, ümumiyyətlə Mərkəzi Bankın yeni belə bir binaya ehtiyacı yoxdur, xüsusən də indiki dövrdə: "Hətta vaxtilə orada işləyən şəxs kimi deyim ki, Mərkəzi Bankın kadr ehtiyatı şişirdilib. Aydın məsələdir ki, qərar indi deyil, bir neçə il öncədən qəbul olunub. Ola bilsin, o vaxt qərar ağlabatan idi. Bu gün isə ona getmək olmaz. Pandemiya, müharibə və ondan sonra işğaldan azad olunmuş ərazilərdə həyata keçiriləcək tikinti işləri böyük xərclər tələb edib və edəcək. Dövlət indi yalnız işğaldan azad edilmiş ərazilərdə tikinti işləri aparmalıdır. Bakıda isə buna ehtiyac yoxdur. Yəqin ki, burada kimlərinsə şəxsi maraqları olub. Deməli proseslə bağlı nələrsə düzgün deyil”.

"450 milyon manata Qarabağda 15 min 149 ev tikmək olar”

Bunu isə iqtisadçı ekspert Qubad İbadoğlu söyləyib: "Mərkəzi Bankın yeni binasına xərclənəcək vəsaitə Qarabağda ümumilikdə 1 milyon 287 min 714 kv metr yaşayış sahəsi olan mənzillər və Böyük Bərpa Proqramında nəzərdə tutulduğu kimi hər biri 85 kv metrdən olmaqla 15 min 149 ev tikmək olar.
450 milyon manat vəsaitlə 5000 min istedadlı Azərbaycan gəncinin dünyanın ən nüfuzlu Universitetlərdə 2 il ərzində xaricdə magist təhsilinin xərclərini ödəmək, onların yaşayış xərclərini tam şəkildə qarşılamaq, bununla da 2 il ərzində beynəlxalq standartlara cavab verən 5000 kadr hazırlamaq olar”.

Elçin
Sfera.az

Turan Bank

OXŞAR XƏBƏRLƏR

"Heç kim hesab etməsin ki, onun hansısa xüsusi imtiyazı var..." - İlham Əliyev məmurlara səsləndi

"Ölkəmizin inkişafı üçün yeni bir dövr başlayıb. Bütün bu amillər ola-ola bu gün biz azad edilmiş torpaqlara qayıdaraq, o torpaqların potensialından istifadə ed...

Əli Həsənov Azərbaycana gətirildi

Azərbaycan Respublikası Prezident Administrasiyasının ictimai-siyasi məsələlər şöbəsinin keçmiş müdiri, Prezidentin ictimai-siyasi məsələlər üzrə köməkçisi Əli ...

Azərbaycanda sərt karantin rejimi YUMŞALDILIR

Nazirlər Kabineti yanında Operativ Qərargah məlumat yayıb.   NK-dan Sfera.az-a verilən məlumatda bildirilib ki, dünyada, ö cümlədən Azərbaycan ərazis...

Prezident Cıdır düzündə çay içdi - VİDEO

Xəbər verdiyimiz kimi, Prezident İlham Əliyev xanımı Mehriban Əliyeva və qızı Leyla Əliyeva ilə birgə Şuşaya səfər edib. Sfera.az-ın məlumatına görə, dövl...

Peyvənddən ölənlərə pul veriləcək? – TƏBİB adından yayılan məlumatı təkzib etmədi

Sosial şəbəkələrdə TƏBİB-in adından paylaşılan bir məlumat cəmiyyətdə böyük ajiotaj yaradıb. Belə ki, məlumatda koronavirusa qarşı tətbiq edilən peyvənddə...

Vüqar Səfərli Əli Həsənovu da özü ilə həbsə aparacaq? - İSTİ İZLƏRLƏ...

Xəbər verdiyimiz kimi, KİVDF-nin keçmiş icraçı direktoru Vüqar Səfərli fəaliyyəti dövründə qanunsuz əməllərə yol verdiyi, dövlət əmlakını mənimsədiyi üçün həbs...