Benzin ikiqat bahalaşdı, İranı etirazlar və iğtişaşlar bürüdü - Video

Benzin ikiqat bahalaşdı, İranı etirazlar və iğtişaşlar bürüdü - Video
İranda benzinin ikiqat bahalaşmasına etiraz olaraq bir gün əvvəl başlayan etira aksiyaları iğtişaşlarla və təhlükəsizlik qüvvələri ilə toqquşmalarla müşaiyət olunur.

Son məlumatlara görə təhlükəsizlik qüvvələri ilə toqquşmalar zamanı ölənlərin sayı 12-yə çatıb.

 
Bir etirazçı cümə günü axşam Sircan şəhərində öldürülüb. Həmin şəhərdə kütlə neft bazasına hücum edərək yandırmağa çalışıb. Dörd nəfər isə aldıqları güllə yaralarından Əhvaz əyalətindən cənubdakı Məhmərə şəhrində həlak olub. Paytaxt Tehranın Şəhriyar rayonunda da ən azı bir etirazçının öldürüldüyü bildirilir. Şənbə günü axşama olan xəbərlərə görə ən azı 13 etirazçı yaralanıb.

Etirazlar ən azı 37 şəhərdə baş qaldırıb, o cümlədən Məşhəd, Sircan, Poldoxtar, Əhvaz, Abadan, Xürrəmşəhr, Təbriz, Şiraz, İsfahan, Bəndər Abbas, Həmədan, Xürrəmabad və Girmanşah şəhərlərində güclü etirazlar qeydə alınıb. Sosial şəbəkələrdə həmin aksyalara və təhlükəsizlik qüvvələri ilə toqquşmalara dair videokadrlar yayılır. Belə videolardan birində Əhvaz şhərində nümayişçilərin mərkəzi meydana cəmləşdikləri, avtomobil şinlərinə od vurduqları görünür. Etirazçılar habelə yolları bağlayıblar.

Daxili işlər naziri Abdulreza Rəhmani Fəzli dövlət televiziyasında bəyan edib ki, iranlıların dinc etiraz hüququ var. Amma etirazçılar ictimai mülkiyyətə zərər vurarsa və vandalizm aktlarını davam etdirərsə təhlükəsizlik qüvvələri sakitliyi bərpa etmək üçün qətiyyətli addımlar atacaq.

"Təhlükəsizlik qüvvələri indiyə qədər təmkin nümayiş etdirib və etirazlara dözüb. Lakin nsanların rahatlığı və təhlükəsizliyi bizim prioritetimiz olduğu üçün əgər ictimai əmlaka və şəxsi mülkiyyətə hücumlar davam edərsə onlar sərt addımlar atacaqlar”,-nazir deyib.

Xəbərlərə görə İran hakimiyyəti bütün ölkə boyu interneti məhdudlaşdırmağa başlayıb. ABŞ İran hakimiyyətinin interneti məhdudlaşdırmasını pisləyir. Dövlət Departamentinin rəsmi nümayəndəsi Morqan Ortequs bəyan edib ki, ABŞ başı əzablar çəkən İran xalqını və onun ədalətsizliyiə, korrupsiyaya qarşı etirazlarını dəstəkləyir. "Biz interneti söndürmək cəhdlərini pisləyirik”,-diplomat bildirib.

Analoji situasiya həftələrdir etirazların və toqquşmaların davam etdiyi İraqda müşahidə edilir. Hakimiyyətin interneti məhdudlaşdırması səbəbindən on milyonlarla iraqlının beynəlxalq şəbəkəyə çıxışı mümkün olmur.

Xatırladaq ki, ABŞ-ın dalbadal tətbiq etdiyi sərt sanksiyalar ucbatından İranda ciddi iqtisadi böhran hökm sürür. Ölkə neft ixracını iki dəfədən çox azaltmalı olub və hazırda nefti ancaq qeyri-leqal sxemlərin köməyi ilə bazara çıxara bilir. (Virtualaz.rg)
 

OXŞAR XƏBƏRLƏR

ÜST: Bir gündə COVID-19-dan 5 mindən çox insan ölüb

 Son sutka ərzində dünyada koronavirusa 206 mindən çox yoluxma qeydə alınıb. Sfera.az xəbər verir ki, bu barədə Ümumdünya Səhiyyə Təşkilatı (ÜST) bil...

Türkiyədə koronavirusla bağlı son statistika

 Son sutkada Türkiyədə koronavirusdan daha 19 nəfər ölüb. Sfera.az xəbər verir ki, bu barədə Səhiyyə naziri Fahrettin Koca bildirib. Nazirin sö...

Koronavirusun ikinci dalğası Fransanı da gözləyir

 Fransa hökumətinin nəzdində fəaliyyət göstərən Fransa Elmi Şurası hesab edir ki, yaxın aylarda ölkə COVID-19-un ikinci dalğası ilə qarşılaşacaq. Sfe...

Dəhşətli partlayış toy gününə təsadüf etdi: Bəylə gəlinin qaçma görüntüləri - VİDEO

  Livanın paytaxtı Beyrutda baş verən partlayış bəylə gəlini toy üçün fotosessiya etdirərkən yaxalayıb. Sfera.az xəbər verir ki, bu barədə "News 18”...

Beyrutdakı dəhşətli partlayışın səbəbi məlum oldu - VİDEO

  Livanın paytaxtı Beyrutda baş verən güclü partlayışın ilkin səbəbləri açıqlanıb. Livanın "LBC International” telekanalı məlumat verir ki, Beyrut l...

Türkiyədə COVID-19-a yoluxanların ümumi sayı 234,9 minə çatır

 Türkiyədə son sutkada koronavirusa daha 1 083 yoluxub. Sfera.az xəbər verir ki, bu barədə Səhiyyə naziri Fahrettin Koca bildirib. Nazir qeyd e...