No Image
No Image

Bakının mərkəzi küçələrində Bakı Şəhər Halqasının tikinti işləri başlayır

Bakının mərkəzi küçələrində Bakı Şəhər Halqasının tikinti işləri başlayır

Bakıda növbəti Formula 1 yarışı 4-6 iyun 2021-ci il tarixlərində baş tutacaq. Bununla bağlı Azərbaycan Qran Prisinin təşkilatçısı Bakı Şəhər Halqası Əməliyyat Şirkəti paytaxtın yarış trekinin üzərinə düşən mərkəzi küçələrində gecə saatlarında tikinti-quraşdırma işlərinə başlayır.

 

 

Daha öncə qeyd olunduğu kimi, mart ayının 31-dən başlayaraq Puşkin və Xaqani küçələrinin kəsişməsi arasındakı ərazidən Bül-bül prospekti istiqamətində olan yolun üzərində beton bloklar şəklində olan təhlükəsizlik baryerlərinin quraşdırılmasına start verilir. Tikinti-quraşdırma işlərinin aparılması axşam saat 10:00-dan səhər saat 06:00-dək planlaşdırılıbdır. Bütün bunları nəzərə alaraq sürücülərdən xahiş olunur ki, avtomobillərini həmin saatlarda Xəqani küçəsində park etməkdən çəkinsinlər. Əks halda qeyd olunan ərazidə park edilmiş avtomobillər başqa yerə çəkiləcəkdir.

 

 

Həmçinin, yolun qeyd olunan hissələrində aparılan təmir-tikinti işlərini nəzərə alaraq, gecə vaxtı yarana biləcək yol qəzalarının və digər xoşagəlməz halların qarşısının alınması məqsədilə sürücülərdən avtomobili idarə edərkən daha diqqətli olmaları və sürət həddini aşmamaları xahiş olunur.


 

Ümumilikdə yarış trekinin tikinti-quraşdırma işləri 2021-ci ilin iyun ayınadək davam edəcəkdir. Formula 1 trekinin Puşkin və Xaqani küçələrinin kəsişməsindən Bül-bül prospekti istiqamətində olan əraziyədək kəsiyində tikinti işlərinin 15 aprel  tarixinədək yekunlaşması gözlənilir. Göstərilən iş qrafikində hava şəraitindən asılı olaraq dəyişikliklər ola bilər.

 

Bakı Şəhər Halqası ƏŞ müvəqqəti narahatlığa görə sakinlərdən üzr istəyir.


Turan Bank

OXŞAR XƏBƏRLƏR