Bakıda narkokuryerliklə məşğul olan bloger saxlanıldı - VİDEO

Bakıda narkokuryerliklə məşğul olan bloger saxlanıldı - VİDEO
Sabunçu Rayon Polis İdarəsinin 15-ci Polis Bölməsinin əməkdaşlarının həyata keçirdikləri əməliyyat nəticəsində Zabrat qəsəbəsində narkotik maddələrin qanunsuz dövriyyəsi ilə məşğul olan Abşeron rayon sakini Röyal Yusibov saxlanılıb.

Bu barədə Sfera.az-a Daxili İşlər Nazirliyinin (DİN) Mətbuat Xidmətindən məlumat verilib.

Onun üzərinə və əlindəki bağlamaya baxış zamanı 3 kiloqramdan artıq marixuana və 515 qram yüksək təsiredici xassəyə malik heroin aşkar edilib. Bu şəxs ifadəsində instaqram sosial şəbəkəsində blogerliklə məşğul olduğunu və orada xarici ölkələrdən birinin vətəndaşı ilə tanış olaraq onun vasitəçiliyi ilə narkokuryerliyə cəlb edildiyini bildirib.

Qeyd edək ki, Röyal Yusibov narkotik vasitələri əldə edəndən sonra pulunu həmin şəxsə onlayn yolla göndərməli imiş. O, Zabrat qəsəbəsində təyin edilən yerdən narkotik vasitələri götürərək oradan uzaqlaşmaq istəyərkən daxil olmuş əməliyyat məlumatı əsasında polislər tərəfindən saxlanılaraq Bölməyə gətirilib.

15-ci Polis Bölməsinin əməkdaşlarının həyata keçirdikləri növbəti əməliyyatlar zamanı Zabrat və Pirşağı qəsəbələrində narkotik vasitələrin qanunsuz dövriyyəsi ilə məşğul olan daha iki nəfər - Xəyal Abdullayev və Seymur İslamov da saxlanılıb. Bu şəxslərdən də narkotik maddə olan heroin aşkar olunub.

Faktlarla bağlı 15-ci Polis Bölməsində toplanan materiallar Sabunçu Rayon Polis İdarəsinin İstintaq Şöbəsinə göndərilib, araşdırmalar davam etdirilir.

Narkotik vasitələrin Sabunçu rayonu ərazisində qanunsuz dövriyyəsinin qarşısının alınması və bu şəxslərin daxil olduğu şəbəkənin digər üzvlərinin aşkar olunması istiqamətində əməliyyat-axtarış tədbirləri davam etdirilir.


Sehliyali
Turan Bank

OXŞAR XƏBƏRLƏR

Nazirlər Kabinetindən karantin rejimi ilə bağlı QƏRARLAR

Nazirlər Kabineti karantin rejimi ilə bağlı qərarlar qəbul edib. Nazirlər Kabinetindən Sfera.az-a verilən məlumata görə, qərarlara əsasən:    ...

Himayədən məhrum olmuş uşağa görə aylıq müavinətin YENİ MƏBLƏĞİ

2021-ci ilin əvvəlindən valideyn himayəsindən məhrum olmuş uşağa görə aylıq müavinət də təsis edilib.  Əmək və Əhalinin Sosial Müdafiəsi Nazirliyində...

Dünyada şəxsi münasibətlərdə YENİ TREND: "Situasyon eşq"

Adı müəyyən edilməmiş romantik münasibətlər getdikcə daha çox cütlüyü əhatə edir. Bunun pis bir şey olduğunu demək olmaz. Ancaq bunların sağlam münasibət olmadı...

Prokurorluğun bir işçisi qovulub, 5-nə töhmət verilib

Ötən il Bakı şəhər Prokurorluğunun bir işçisi işdən azad olunub, 5 nəfərə töhmət verilib.  Sfera.az xəbər verir ki, bu barədə Bakı şəhər Prokurorluğu...

Sabaha olan hava proqnozu AÇIQLANDI

Bakıda və Abşeron yarımadasında yanvarın 23-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Milli Hi...

Yeni hərbi obyektlər istifadəyə verilib - FOTOLAR-VİDEO

Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırığına əsasən Ordumuzda həyata keçirilən tikinti-quruculuq işlər...