No Image

Bakıda 8 milyon manatlıq narkotik dövriyyədən çıxarıldı - FOTO

Bakıda 8 milyon manatlıq narkotik dövriyyədən çıxarıldı - FOTO
 Respublikanın daxili işlər orqanları tərəfindən qara bazarda dəyəri 8 milyon manat olan 86 kiloqramdan artıq narkotik vasitə və psixotrop maddə qanunsuz dövriyyədən çıxarılıb.

Daxili İşlər Nazirliyinin Mətbuat xidmətindən Sfera.az-a verilən məlumata görə, DİN Baş Narkotiklərlə Mübarizə İdarəsinin əməkdaşları tərəfindən sentyabrın 12-də həyata keçirilən növbəti uğurlu əməliyyat tədbiri nəticəsində qaçaqmalçılıq yolu ilə külli miqdarda yüksək təsiredici xassəyə malik narkotik vasitə və psixotrop maddələrin ölkə ərazisinə gətirilərək realizə olunmasının qarşısı alınıb.

Belə ki, Baş İdarə əməkdaşlarının əldə etdikləri məlumat əsasında Qaradağ rayonu ərazisində keçirdikləri əməliyyat zamanı paytaxt sakini Adil Eyvazov və Cəlilabad rayon sakini Xəyal Quliyev saxlanılıblar. Adil Eyvazovun idarə etdiyi "Ravon” markalı avtomobilin yük yerinə baxış zamanı bağlamalarda ümumi çəkisi 86 kiloqramdan artıq olan narkotik vasitə və psixotrop maddə, o cümlədən 61 kiloqrama yaxın heroin, 10 kiloqramdan artıq tiryək və 15 kiloqram 299 qram metamfetamin aşkar olunaraq götürülüb.  

Qeyd edək ki, aşkar edilən həmin narkotik vasitə və psixotrop maddələrin qara bazarda qiyməti təxminən 8 milyon manatdır. 

Araşdırma zamanı müəyyən olunub ki, bu şəxslər qonşu dövlətlərdən birinin  şəxsiyyəti istintaqa məlum olmayan "Milad” adlı vətəndaşının qaçaqmalçılıq yolu ilə Azərbaycan ərazisinə keçirdiyi külli miqdarda narkotik vasitə və psixotrop maddəni Cəlilabad rayonu Suluçeşmə kəndi ərazisində gizlədilən yerdə qəbul ediblər. Xəyal Quliyev və Adil Eyvazov narkotikləri Bakı şəhərində satışını təşkil etmək məqsədi ilə götürüb, paytaxt istiqamətində hərəkət edən zaman Baş İdarə əməkdaşları tərəfindən tutulublar. 

Sorğu zamanı Xəyal Quliyev və Adil Eyvazov bir müddət əvvəl də həmin şəxsin ölkə ərazisinə qaçaqmalçılıq yolu ilə göndərdiyi 10 kiloqramdan artıq narkotik vasitəni qəbul etdiklərini bildiriblər.

Faktla bağlı Cinayət Məcəlləsinin müvafiq maddələri ilə cinayət işi başlanılıb. Adil Eyvazov və Xəyal Quliyev  tutularaq istintaqa cəlb olunublar. Cinayət işi üzrə zəruri istintaq və əməliyyat-axtarış tədbirləri davam etdirilir.

OXŞAR XƏBƏRLƏR

Azərbaycanlı müğənni və dostuna cinayət işi açıldı - FOTO

 "Müğənni Elnar Xəlilov yerli televiziya kanallarının birində hava limanında özünün də iştirakçısı olduğu bir faktı təhrif edərək ictimailəşdirib. Həmin ve...

Azərbaycanda dəhşətli hadisə — Yaralılar var — FOTO

 Abşeronda yol qəzası olub. Sfera.az apa-ya istinadən xəbər verir ki, qəza rayonun Saray qəsəbəsi, Heydər Əliyev küçəsində qeydə alınıb. Belə ki, hər...

DTX daha bir əməliyyat keçirdi - FOTO

  Dövlət Təhlükəsizliyi Xidməti tərəfindən beynəlxalq terrorçuluqla mübarizə istiqamətində kompleks əməliyyat-istintaq tədbirləri davam etdirilir. Sfera....

Bakıda 27 yaşlı müəllim özünü binadan atdı - FOTOLAR

  Bakıda 27 yaşlı müəllimə özünü yaşadığı binanın pəncərəsindən atıb. Sfera.az xəbər verir ki, Bakı şəhər Təhsil İdarəsindən məlumat verilib: "121 nömrə...

Kürdəmir sakinlərindən külli miqdarda narkotik götürüldü - FOTO

 Kürdəmir Rayon Polis Şöbəsinin (RPŞ) əməkdaşları əməliyyat-axtarış tədbirləri həyata keçiriblər.  Sfera.az xəbər verir ki, nəticədə Kürdəmir şə...

Azərbaycanlı xanəndə qəfildən öldü

  Ukraynada yaşayan azərbaycanlı xanəndə dünyasını dəyişib. Sfera.az baku.ws-ə istinadən bildirir ki, bu barədə Birləşmiş Ukrayna Azərbaycanlıları Konqre...