Bahalaşma dollara tələbi azaldır

Bahalaşma dollara tələbi azaldır
Qiymət artımları və bunun nəticəsində əhalinin xərclərinin artması xarici valyutaya, xüsusən də dollara olan tələbi azaldır.
 
Sfera.az bildirir ki, qiymət səviyyəsinin yüksəlməsi ümumi tələbi zəiflədən əsas amillərdən biridir. Çünki qiymətlər artdıqda xərclər də artır və bu vəziyyət əhalinin yığım imkanlarını məhdudlaşdırır.

Düzdür, xərclər artdıqda idxal da artır və bunun özü dollara tələbi gücləndirir. Amma ümumi qiymət səviyyəsi yüksəldikdə sadəcə idxal artmır, o, həm də ixracı artırır və nəticədə xarici ticarətdə müsbət saldo böyüyür, ixracdan əldə edilən əlavə gəlirlər idxaldakı əlavə xərcləri artıqlaması ilə kompensasiya edə bilir.

Buna görə də önəmli məsələ əhalinin gəlirləri ilə xərcləri arasında olan fərqdir. İnflyasiya əhalinin gəlirlərini ötdükdə əhalinin yığım qabiliyyəti zəifləyir və əhali daha az yığm imkanına sahib olur.

Azərbaycanda 2016 və 2017-ci illərdə yüksək inflyasiyanın qeydə alınması nəticəsində əhalinin yığım imkanları azaldı. Belə ki, 2015-ci ildə əhali 4,6 milyard manatdan çox maliyyə aktivlərinin, o cümlədən valyutanın alınması üçün vəsait ayırdığı halda, 2016-cı ildə 4,23 milyard manat, 2017-ci ildə 3,2 milyard manat qənaət vəsait ayıra bildi.

Statistika göstərir ki, xərclər əhalinin qənaət imkanlarına təsir edən ən önəmli amillərdən biridir.

Məsələn, 2019 və 2020-ci illərdə əhalinin gəlirlərində ciddi fərq olmayıb. Amma xərclərdə ciddi dəyişiklik yaranıb. 2019-cu ildə xərclər 2020-ci ildəkindən 2,73 milyard manat çox olduğundan həmin ildə maliyyə aktivləri üçün qənaət edilən vəsait azalaraq 2,69 milyard manata düşüb ki, bu da son 13-14 ilin ən aşağı göstəricisidir. 2020-ci ildə isə əksinə maliyyə aktivləri üçün yığımlar 4,6 milyard manata çatmaqla son 5 ilin ən yüksək səviyyəsinə çatıb.

2021-ci və 2022-ci ildə əhalinin xərclərinin artması müşahidə edilir. Ötən il gəlirlər 1,5 milyard manat artıb, lakin xərclərdəki artımın bundan xeyli çox olduğunu təxmin etmək olar. Bu vəziyyətdə əhalinin maliyyə aktivləri üçün ayırdığı vəsait 2,5-3 milyard manat səviyyəsinə düşüb. Yəni, əhali valyuta alışına 2020-ci illə müqayisədə 2021-ci ildə daha az vəsait yönəldə bilib. Bu səbəbdən ötən il dollar alışı azaldı. 

2022-ci ildə də yüksək qiymət artımları davam edəcəyindən deyə bilərik ki, əhalinin cari dövrdə də yığım imkanı azalacaq və bu dollara olan tələbi zəiflədəcək.

Vasif
Sfera.az




OXŞAR XƏBƏRLƏR

Kitabların ƏDV-dən azad edilməsinin hansı müsbət təsirləri olacaq? - Ekspertdən açıqlama

"Azərbaycan dilində lazımi kitabların tapılmaması müstəqilliyin ilk günlərdən başlayaraq, son illərə qədər ciddi problem olaraq qalır”.   Sfera.az-ın məl...

Hansı bölgələrdə bağ evlərinin kirayə qiyməti yüksəlib? – SİYAHI

Yay fəslinə yaxınlaşdıqca istirahət üçün kirayə bağ evlərinə üz tutanların sayı çoxalır. Kirayə mənzillərə tələbat isə daha çox Bakı kəndləri və bölgələr ü...

Bu şəxslərə maaşdan əlavə PUL VERİLƏCƏK

Qida təhlükəsizliyi sahəsində çalışan işçilərə maaşdan əlavə pul veriləcək. Sfera.az xəbər verir ki, bu barədə məsələ Milli Məclis tərəfindən qəbul edilən "...

Maaş və təqaüdlər yenidən ARTA BİLƏR

Dünya bazarında "Azeri Light" markalı Azərbaycan neftinin 1 barelinin qiyməti 2,85 ABŞ dolları, yaxud 2,57 % artaraq 113,55 ABŞ dollarına çatıb. Dünən "Bre...

Rusiyanın ən böyük dövlət kommersiya bankı SWIFT-dən ÇIXARILIR - 6-cı SANKSİYA PAKETİ

Avropa Komissiyasının rəhbəri Ursula von der Leyen Avropa parlamentində çıxışı zamanı Rusiyaya qarşı tətbiq ediləcək 6-cı sanksiya paketi haqqında danışıb. ...

Avropa rus kömüründən və neftindən imtina edir - Tarix açıqlandı

Avropa İttifaqı (Aİ) ölkələri bu yay Rusiyadan kömür idxalından, ilin sonunda isə Rusiyadan neft idxalından imtina edəcək. Sfera.az xəbər verir ki, bu açı...