Azərbaycanla Ermənistan arasında sülh sənədi hazırlanır – Prosesdə hansı dövlətlər var?

Azərbaycanla Ermənistan arasında sülh sənədi hazırlanır – Prosesdə hansı dövlətlər var?
"Prezident İlham Əliyev MDB Dövlət Başçıları Şurasında Azərbaycanın Ermənistanla sərhədlərin delimitasiyasına və sülh sazişinə dair danışıqlara hazır olduğunu bildirdi. O, "Azərbaycan qalib ölkə kimi münasibətləri normallaşdırmağa hazırdır” qeydi ilə bütün danışıqların Bakının şərtləri çərçivəsində ola biləcəyinin mesajını verdi”.
 
Bu sözləri Sfera.az açıqlamasında siyasi şərhçi Asif Nərimanlı oktyabrın 15-də Müstəqil Dövlətlər Birliyinin Dövlət Başçıları Şurasının videokonfrans formatında keçirilən iclası haqda danışarkən deyib.

Ekspert qeyd edib ki, MDB iclasından öncə Moskvada Putinlə görüşdə Paşinyana bölgədə atılması vacib olan addımlar izah edilib:

"Prinsip etibarilə, sərhədin delimitasiyası və kommunikasiyanın açılması ön plandadır. Təsadüfi deyil ki, Paşinyanın çıxışında Azərbaycana qarşı ənənəvi ittihamları qalsa da, Əliyevin şərtləri ilə razı olduğu da görünür. Rəsmi İrəvan bütün kommunikasiyaların açılmasına hazırdır. Bura Ermənistanın Azərbaycan vasitəsilə Rusiya və İranla əlaqə qurması və Azərbaycanın Ermənistan ərazisi vasitəsilə Naxçıvanla dəmiryolu və avtomobil yolu (Zəngəzur dəhlizi) əlaqəsi qurması daxildir”.

Ekspert düşünür ki, Paşinyan Əliyevin sülh sazişi tələbini Minsk Qrupu çərçivəsində müzakirə etmək istəyir:

"Bakının cari hədəfi sərhədin delimitasiyasının başa çatdırılmasıdır. Bu, sülh sazişinin hansı platformada müzakirə edilməsindən asılı olmayaraq, Azərbaycanın masada əlini daha da gücləndirəcək”.

Politoloq qeyd edib ki, Nikol Paşinyan Türkiyə ilə münasibətlərin normallaşmasına hazır olduqlarını və bunun da Rusiyanın vasitəçiliyi ilə ola biləcəyini qeyd edib:
 
"Soçi və Moskva görüşündə müzakirə edilən məsələlələrdən biri də Ankara-İrəvan münasibətlərində Moskvanın vasitəçilik etməsi idi. Regional münasibətlərin Ankara-Moskva ikilisi tərəfindən qurulması sülh sazişi masasında Minsk Qrupunun digər iki həmsədr ölkəsinin – ABŞ və Fransanın mümkün iştirakını formallaşdırır və bu, Ermənistanın əlini zəiflədir”.
 
Turan Rzayev
 
Sehliyali
Turan Bank

OXŞAR XƏBƏRLƏR

Azərbaycan 10 erməni hərbçini təhvil verdi - DTX məlumat yaydı

Azərbaycan 4 dekabr 2021-ci il tarixdə 10 nəfər erməni əsilli hərbi qulluqçunu Ermənistan tərəfinə təhvil verib. Sfera.az xəbər verir ki, bu barədə Dövlət...

Prezident SƏRƏNCAM imzaladı

Prezident İlham Əliyev "Azərbaycan Sənaye Korporasiyası” ASC-nin (ASK) Müşahidə Şurasının (MŞ) tərkibinin təsdiq edilməsi və Natiq Əmirovun Şuranın sədri təyin ...

Ceyhun Bayramovla Ararat Mirzoyanın görüşü baş tutmayıb

Azərbaycan xarici işləri naziri Ceyhun Bayramovla erməni həmkarı Ararat Mirzoyan arasında ATƏT Xarici İşlər Nazirləri Şurasının 28-ci iclası çərçivəsində görüş ...

Fazil Mustafa: “DTX-da sistem tamamilə dəyişildi”

"Əli Nağıyev DTX rəisi təyin olunduqdan sonra bu qurum funksiyasını tamam dəyişdi. Ondan sonra iş adamlarını, insanları şantaj edən, soyan sistem tamamilə dəyiş...

İlham Əliyev Ordu ilə bağlı TAPŞIRIQ VERDİ

"Ordu quruculuğunun daha da gücləndirilməsi Ali Baş Komandan tərəfindən qarşımıza qoyulan ən vacib məsələrdən biridir”. Sfera.az xəbər verir ki, bunu Baş ...

“Tahir Mirkişili bunu əsaslandırsın” – Sabir Rüstəmxanlı qanun layihəsinə etiraz etdi

"Cərimə və rüsumların 2 dəfə artırılması ilə bağlı əhali narazılıq edir. Mən ötən iclasda da qanun layihəsinə etirazımı bildirmişdim".   Sfera.az x...