Kallas İsraili müdafiə etdi: "Müsabiqəyə qatılmalıdır"

Avropa Birliyinin Xarici işlər naziri Kaja Kallas İsrailin Avroviziya mahnı müsabiqəsindən çıxarılması ideyasını dəstəkləmədiyini açıqlayıb.

 

Sfera.az xəbər verir ki, Kallasın sözlərinə görə, belə bir addım musiqi və mədəniyyət sahəsində siyasi təsirin göstərilməsi baxımından doğru deyil və müsabiqənin əsas prinsiplərinə ziddir.

Lakin bu mövqe Avropa Parlamentinin bəzi üzvlərinin niyyətləri ilə üst-üstə düşmür. Parlamentin bir qrup üzvü İsrailin müsabiqədən çıxarılması üçün Avropa Yayım Birliyinə (AYB) rəsmi məktub göndərəcəklərini bəyan ediblər. 

 

Məsələ ilə bağlı AYB hələlik rəsmi mövqe bildirməyib, lakin qurumun əvvəllər müsabiqənin siyasi müstəvidən kənarda qalması prinsipini əsas tutduğu məlumdur. 

 

Niyaz Hacıyev
Sfera.az