Azərbaycanda vizaların verilməsi ilə bağlı dəyişiklik

Azərbaycanda vizaların verilməsi ilə bağlı dəyişiklik
 

Xarici İşlər Nazirliyi "Azərbaycan Respublikasına səfər etmək istəyən əcnəbilərə və vətəndaşlığı olmayan şəxslərə vizaların verilməsi üçün müraciətin və sənədlərin qəbulu üzrə inzibati reqlament”ə dəyişiklik edib.

Sfera.az  xəbər verir ki, bu reqlamentə əsasən, təqdim edilən elektron xidmət (http://eapplication.mfa.gov.az) Azərbaycan Respublikasına səfər etmək istəyən əcnəbilərin və vətəndaşlığı olmayan şəxslərin viza (elektron viza istisna olmaqla) almaq üçün elektron qaydada müraciətinin və sənədlərinin qəbul edilməsi, baxılması, cavablandırılması və baxılmanın nəticəsindən asılı olaraq viza rəsmiləşdirilməsi və ya viza rəsmiləşdirilməsindən imtina edilməsini əhatə edir.

Viza verilməsi haqqında əcnəbilərin və vətəndaşlığı olmayan şəxslərin vəsatətlərinə, müraciət olunduğu gündən ən geci 15 gün keçənədək, Azərbaycan Respublikasının Prezidenti tərəfindən müəyyən edilən hallarda, habelə, əcnəbilərin və vətəndaşlığı olmayan şəxslərin səfəri təcili müalicə, yaxud Azərbaycan Respublikasında yaşayan yaxın qohumunun ağır xəstəliyi və ya ölümü ilə bağlıdırsa (bu faktları təsdiq edən sənəd təqdim olunmaqla) ən geci 2 iş günü ərzində baxılır. "Dövlət rüsumu haqqında” qanunun 16.1.6-cı və 16.1.7-ci maddələrinə müvafiq olaraq, tranzit vizaları və birdəfəlik giriş vizaları üçün – 20 ABŞ dolları, çoxdəfəlik giriş vizaları üçün – 350 ABŞ dolları məbləğində dövlət rüsumu ödənilir.

Dəyişikliyə əsasən isə artıq xarici ölkələrin müvafiq orqanları tərəfindən Azərbaycan Respublikasının vətəndaşlarına münasibətdə çoxdəfəlik giriş vizalarının rəsmiləşdirilməsi üçün tutulan rüsumun məbləği "Dövlət rüsumu haqqında” qanunla eyni hərəkətlərə görə müəyyən edilmiş məbləğdən fərqli olduqda, dövlət rüsumunun dərəcəsi Nazirlər Kabinetinin qərarı ilə həmin ölkələrdə Azərbaycan Respublikasının vətəndaşlarına münasibətdə tutulan rüsum səviyyəsində müəyyən oluna bilər.

Dəyişiklik oktyabrın 18-dən qüvvəyə minib.

Qeyd edək ki, bu müddəa "Dövlət rüsumu haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2019-cu il 13 iyun tarixli qanununda əksini tapıb. Qanun Azərbaycan Respublikası Prezidentinin 2019-cu il 31 iyul tarixli fərmanı qanun qüvvəyə minib. Fərmana əsasən, mərkəzi icra hakimiyyəti orqanları normativ hüquqi aktları bu qanuna uyğunlaşdırmalı idi. Xarici İşlər Nazirliyidə icraçı orqan kimi "Azərbaycan Respublikasına səfər etmək istəyən əcnəbilərə və vətəndaşlığı olmayan şəxslərə vizaların verilməsi üçün müraciətin və sənədlərin qəbulu üzrə inzibati reqlament”də müvafiq dəyişiklik edib və qayda qüvvəyə minib.

OXŞAR XƏBƏRLƏR

Son dəqiqə! Müdafiə Nazirliyi daha bir video yaydı

Düşmənin aktiv döyüş fəaliyyətinin qarşısının alınması məqsədilə görülən cəza tədbirləri nəticəsində Ermənistan silahlı qüvvələrinə məxsus döyüş texnikası bölmə...

Azərbaycanda daha 543 nəfərdə COVID-19 aşkarlandı, 6 nəfər vəfat etdi

 Azərbaycan Respublikasında koronavirus (COVID-19) infeksiyasına 543 yeni yoluxma faktı qeydə alınıb, 510 nəfər müalicə olunaraq sağalıb və evə buraxılıb. ...

2019-cu il dövlət büdcəsinin icrası haqqında qanun təsdiqləndi

 Prezident İlham Əliyev "Azərbaycan Respublikasının 2019-cu il dövlət büdcəsinin icrası haqqında" qanunu imzalayıb. Sfera.az xəbər verir ki, sənədə ə...

Diaspora fəalımız Hollandiyadan Şəhid Generalla bağlı xatirələrini paylaşdı - Problemlərdən danışmağa çəkinmə

Hazırda Niderlandın Rotterdam şəhərində yaşayan və orda fəaliyyət göstərən Azərbaycan diasporunun fəal üzvlərindən olan Ramazan Səmədov özünün şəxsi facebook sə...

Xınalığa leysan yağıb - FAKTİKİ HAVA

 Milli Hidrometeorologiya Xidməti faktiki havanı açıqlayıb. Xidmətdən Sfera.az-a verilən məlumata görə, Xınalıq kəndi yaxınlığında Qudyal çayı qidala...

BNA "BakıKart”la bağlı yaranmış problemi həll edib

 Sərt karantin rejimi çərçivəsində metro stansiyalarının fəaliyyətinin dayandırılması ilə sərnişinlərin "BakıKart”ın balansını artırmasında müəyyən çətinli...