Azərbaycanda tədavülə yeni yubiley pul nişanları buraxılıb

Azərbaycanda tədavülə yeni yubiley pul nişanları buraxılıb
 

Bu il Azərbaycanda Mərkəzi Bankçılığın yaranmasının 100-cü ildönümü və əsasını ümummilli liderimiz Heydər Əliyevin qoyduğu Azərbaycan Dövlət Neft Fondunun (ARDNF) yaranmasının 20-ci ildönümünün qeyd olunması münasibətilə, hər iki yubiley tarixlərinin əbədiləşdirilməsi məqsədilə Azərbaycan Mərkəzi Bankı (AMB) nominal dəyəri 5 manat təşkil edən gümüş yubiley pul nişanlarını tədavülə buraxıb.

Sfera.az "Report" -a istinadla xəbər verir ki, bu barədə qurumun açıqlamasında bildirilir. 

Yubiley pul nişanlarının çəkisi 1 troy unsiyası – 31,1 qr. (+ 0,1 qr.), diametri isə 38,61 mm. təşkil edir. Pul nişanları Böyük Britaniyanın "The Royal Mint” şirkətində beynəlxalq standartlara uyğun "Pruf” texnologiyası əsasında istehsal edilib.

Mərkəzi Bankçılığın 100 illik yubileyinə həsr olunmuş yubiley pul nişanının ön tərəfində iqtisadi inkişafı təcəssüm etdirən parabola xətlərinin fonunda AMB-nin inzibati binasının təsviri, ümummilli lider Heydər Əliyevin kəlamı və imzası, arxa tərəfində isə Dövlət Gerbi, Azərbaycan manatının simvolu və eləcə də milli naxış və ornamentlər təsvir olunub.

ARDNF-in 20 illik yubileyinə həsr olunmuş yubiley pul nişanının ön tərəfində Fondun inzibati binasının təsviri, loqosu, azərbaycan və ingilis dillərində "Azərbaycan Respublikası Dövlət Neft Fondu” və "20 il” sözləri, arxa tərəfində isə Dövlət Gerbi, aypara və eləcə də milli naxış və ornamentlər təsvir olunub.

Yubiley pul nişanları nominal dəyərləri ilə ölkə ərazisində rəsmi ödəniş vasitəsidir.

OXŞAR XƏBƏRLƏR

Ekspert: “SOCAR mütləq optimallaşdırmaya getməlidir”

  Dünya iqtisadiyyatında yaranan böhran, neftin qiymətinin aşağı düşməsi neft şirkətlərinin maliyyə-iqtisadi vəziyyətinə mənfi təsir göstərib. Artıq qloba...

Ekspert: “Sərnişindaşımada əsas yük avtobusların üzərinə düşəcək”

 Operativ Qərargah Azərbaycanda xüsusi karantin rejiminin 2020-ci il 5 iyul saat 06:00-dan 20 iyul saat 06:00-dək uzadılması ilə bağlı qərar verib. Karanti...

İyulun 6-da dolların manata qarşı məzənnəsi

  Manatın məzənnəsinə dair Azərbaycan Respublikası Mərkəzi Bankı məlumat açıqlayıb. Mərkəzi Bankdan Sfera.az-a verilən məlumata görə, 06.07.2020-ci il ta...

Azərbaycanda qızıl və gümüş ucuzlaşıb

  Azərbaycanda qızıl və gümüş ucuzlaşıb. Sfera.az xəbər verir ki, iyulun 3-də qızılın qiyməti iyulun 2-i ilə müqayisədə 15,385 manat (0,51 faiz) azalaraq...

“SOCAR təxirəsalınmadan xərclərini optimallaşdırmalıdır”

 "İlk atılan addımlar sırasına rentabelli olmayan sahələrin fəaliyyətinin dayandırılması və məhdudlaşdırılması daxildir" Koronavirus pandemiyasına ...

Azərbaycan neftinin son qiyməti

  Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 0,25 ABŞ dollar, yaxud 0,57% artıb. "Azeri Light” mar...