No Image
No Image

Azərbaycan ordusunun Mi-17 vertolyotu düşmən tankına zərbə endirir - VİDEO

Azərbaycan ordusunun Mi-17 vertolyotu düşmən tankına zərbə endirir - VİDEO
Qarabağda 44 günlük müharibə zamanı Azərbaycan ordusunun düşmənə qarşı yüksək dəqiqlikli silahlar, geniş çeşiddə pilotsuz aparatlar tətbiq etməsi və nəticədə yeni nəsil müharibə təcrübəsi ortaya qoyması dünyanın aparıcı ölkələrinin hərbi mütəxəssisləri tərəfindən öyrənilməkdədir.

Hərbi əməliyyatlar zamanı o cümlədən Azərbaycan Hərbi Hava Qüvvələri quru qoşunlarının irəliləməsinə hava dəstəyi verərkən düşmən hədəflərinə yüksək dəqiqlikli raket və bomba zərbələri endirib. Məsələn, Azərbaycan HHQ-nin eskadrilya komandiri, ölümündən sonra Vətən Müharibəsi Qəhrəmanı adına layiq görülmüş polkovnik Zaur Nudirəliyev sovet Su-25 qırıcı-bombardmançısından düşmən hədəflərinə ilk dəfə lazerlə hədəfə yönləndirilən aviabomba ilə zərbələr endirməklə misilsiz təcrübə ortaya qoyub.

Eləcə də HHQ-nin Mi-17 vertolyotları düşmənə kifayət qədər uzaq məsafədən "SPİKE NLOS” raketləri ilə zərbələr endirib. Bu zərbələrin bəzilərinin görüntüləri sosial şəbəkələrdə yayılıb. Epizodlardan birində Azərbaycan pilotlarının düşmən tankına təxminən 15 kilometr məsafədən raket zərbəsi əks olunur. "SPİKE NLOS” raketi düşmən tankının açıq lyukundan içəri girir və təbii ki, onu darmadağın edir. Bu zərbə döyüş sursatının başlığında quraşdırılmış kamera ilə anbaan qeydə alınır və pilotlara ötürülür. Habelə yayılan kadrlarda düşmənin digər hərbi texnikasına və canlı qüvvəsinə də bu raketlərlə endirilmiş dəqiq zərbələr əks olunub.

Azərbaycan HHQ düşmən hədəflərinə onun hava hücumundan müdafiə sisteminin məsuliyyət zonasına daxil olmadan zərbə endirməyi 2016-cı ilin aprel döyüşlərinin təcrübəsinə əsasən mənimsəyiblər. Həmin döyüşlərdə düşmən mövqelərinə yaxın məsafədən zərbə endirən Mi-24 "Super Hind” vertolyotu vurulmuşdu. Daha sonra müdafiə naziri, general-polkovnik Zakir Həsənov açıqladı ki, Hərbi Hava Qüvvələrinin vertolyotları düşmənin hava hücumundan müdafiə sistemlərinin məsuliyyət zonasına daxil olmadan 50 kilometrə qədər məsafədən dəqiq raket zərbəsi endirmək qabiliyyətindədir. 

Bu, Mi-17 vertolyotlarında "SPİKE NLOS” yüksək dəqiqlikli raketlərinin quraşdırılması sayəsində mümkün olmuşdu. Və Azərbaycan HHQ bu raketlərlə düşmənə ilk dəfə 2020-ci ilin iyulunda Tovuz istiqamətində gedən döyüşlər zamanı zərbələr endirib. Ardınca 44 günlük müharibədə Azərbaycan ordusunun hücum vertolyotları bu təcrübəni geniş tətbiq edib və düşmənin hava hücumundan müdafiə komplekslərini, hərbi texnikasını və canlı qüvvəsini sıradan çıxarıb.

(virtualaz.org)
Turan Bank
Turan Bank

OXŞAR XƏBƏRLƏR

Azərbaycan ordusunun Mi-17 vertolyotu düşmən tankına zərbə endirir - VİDEO

Qarabağda 44 günlük müharibə zamanı Azərbaycan ordusunun düşmənə qarşı yüksək dəqiqlikli silahlar, geniş çeşiddə pilotsuz aparatlar tətbiq etməsi və nəticədə ye...

Ermənilər indi də Ağdamda evləri yandırır - VİDEO

Noyabrın 10-da Azərbaycan-Rusiya-Ermənistan arasında imzalanmış üçtərəfli bəyanata əsasən ermənilər 20 noyabra qədər Ağdamı tərk etməlidir. Sfera.az ...

Bərdənin qisası davam edir - VİDEO

Bərdə şəhərində dinc sakinləri atəşə tutan düşmən qüvvələri döyüş meydanında məhv edilib.   Sfera.az  xəbər verir ki, bu haqda Müdafiə Nazirliyi məl...

Ermənistan ordusu çökdü: Düşmən 8 min itki verdi - VİDEO

Azərbaycan Ordusunun zərbələri nəticəsində Ermənistan ordusunun havadan müdafiə sistemi iflic olub. Bu sözləri türkiyəli istefada olan general Ərdoğan Qar...

Bakıdakı dəhşətli qəzanın baş verdiyi yerdən reportaj - VİDEO

Real TV Binə qəsəbəsində "Daevoo” markalı 160 saylı xətt avtobusunun hərəkətdə olan elektrovozla toqquşması nəticəsində 2 nəfərin ölümünə, 41 nəfərin yaralanmas...

Qatarla toqquşan avtobusdan sərnişinlər belə çıxarıldı - YENİ VİDEO

Xəbər verdiyimiz kimi, Xəzər rayonunun Binə qəsəbəsində sərnişin avtobusu ilə qatarın toqquşması nəticəsində 2 nəfər dünyasını dəyişib, 40-ı isə yaralanıb. ...