Azərbaycan Ordusunun güclənməsini həzm edə bilməyənlərin yeni bəhanəsi

Azərbaycan Ordusunun güclənməsini həzm edə bilməyənlərin yeni bəhanəsi
 Vətən daşı olmayandan, olmaz ölkə vətəndaşı! Xalq şairimiz Məmməd Arazın bu sözləri əsl vətəndaş olmağın ümdə şərtini açıqlayır – hər kəs əlindən gələn qədər Vətəninə xidmət etməli, onun suverenliyi uğrunda sözdə yox, əməldə xidmət etməlidir.

Çox-çox təəssüflər olsun ki, içimizdə özünü azərbaycanlı hesab edən çoxlarının bu xalqın taleyindən heç xəbərləri belə yoxdur. Amma çox heyif ki, onlar da bəziləri kimi bu millətin adından çıxış edirlər.

Dünyanı cənginə alan pandemiya dövründə yüksək nizam intizam və şəxsi heyətə diqqət və qayğı nümayiş etdirərək əsgərləri virusdan qorumaqla kifayətlənməyərək Azərbaycan Ordusunun rəhbərliyi ordu günü ərəfəsində, hətta, yeni hərbi hissə də istifadəyə verdi. Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev iyunun 25-də Müdafiə Nazirliyinin "N" saylı hərbi hissəsinin açılışında iştirak edib. Müdafiə nazirinin birinci müavini - Silahlı Qüvvələrin Baş Qərargah rəisi, general-polkovnik Nəcməddin Sadıkov və Müdafiə nazirinin müavini - Hərbi Hava Qüvvələrinin Komandanı general-leytenant Ramiz Tahirov Ali Baş Komandan İlham Əliyevə raport veriblər. Belə bir çətin şəraitdə bu qürurverici hadisənin şahidi olduğumuz bir dövrdə təəssüf ki, bəzi şəxslər özlərini yenə də Azərbaycan xalqına, Vətəninə müxalif mövqedə göstərdi.

Yeni hərbi hissədə yaradılan şəraitin, təlim meydanlarının ordumuzun daha da güclənməsinə, və beləcə Qarabağın düşməndən azad olunmasına səbəb olacaq növbəti mühüm addım olmasını görməzdən gələn bəzi psevdopatriotlar Silahlı Qüvvələrin Baş Qərargah rəisi, general-polkovnik Nəcməddin Sadıkovun səlis Azərbaycan dilində raport verməməsini müzakirə obyekti edirlər.

Hərbçi əməli, xidməti ilə seçilməlidir, cənablar, danışmağı ilə deyil!

Azərbaycan xalqı Sürət Hüseynov, İsa Sadıqov, Əlikram Hümbətov kimi Azərbaycan dilində təmiz danışan amma dar məqamda Vətənini satan neçə bədxah görüb? Baş verən oğurluq faktlarına görə ordu sıralarından uzaqlaşdırılan neçə-neçə şəxsin ana dilimizdə bülbül kimi ötdüyünü görmüşük?

İndi isə, sosial şəbəkələrdə axtarış edən zaman Silahlı Qüvvələrin Baş Qərargah rəisinin çıxışı ilə bağlı tənqidi fikirlər səsləndirən şəxslərə diqqət edək - Arif Hacılı, İqbal Ağazadə, Aslan İsmayılov, Əli Əliyev... Sadəcə bu adları çəkmək insanlarda təsəvvür yaranması üçün kifayət edər. Müxtəlif məsələlərdə olduğu kimi, ordu ilə bağlı uğurlarımızda da bu şəxslərin satqın mövqedə olduğu açıq-aşkar sezilir. Bu insanlara ordumuzun güclənməsi maraqlı deyil, onlara lazım olan Vətən yolunda canını qoyan şəxslərə qarşı qarayaxma aparmaqdır. Ötən həftə Silahlı Qüvvələrin 102 illiyi ilə bağlı mətbuatda dərc olunan yazılara diqqət yetirən hər kəs son illər Azərbaycan ordusunun hansı inkişaf yolunu keçdiyini görə bilər.

Görünən odur ki, "Aprel döyüşləri” kimi tarixə düşən hərbi əməliyyatlar Ordumuzun bugünkü potensialının sadəcə xırda bir göstəricisidir. İstər övladını hərbi xidmətə göndərən, istər hərbçi ailəsində yaşayan hər bir vətəndaş bu gün növbəti Qarabağ savaşından üzü ağ çıxacağımıza əminlik ifadə edir. Bəs, 2000-ci illərdə də belə idimi?

Hər həftəsonu övladına azuqə, corab, üzqırxan aparan, xidmət etdiyi şəraitə kənardan baxaraq için-için sızlayan valideynlər də belə düşünürdümü? Təbii ki, yox. Onlar dinc şəraitdə qulluq edən övladının hərbi xidmətdən sağ-salamat qayıtmasına qurban deyirdilər. Ötən illərdə çox şey dəyişdi Ordumuzda, çox şey inkişaf etdi. Bütün bu işlərin altına çiynini verən şəxslərdən biri də danışmağa yox, Ali Baş Komandanın tapşırıqlarını yerinə yetirməyə çalışan general-polkovnik Nəcməddin Sadıkovdur.

Azərbaycan öz müstəqilliyinə ikinci dəfə və əbədi olaraq qovuşub. Bu müstəqilliyin də qarantı güclü dövlət, güclü ordudur. Məhz, Vətən daşı olan oğulların mərdliyi və sədaqəti nəticəsində də Azərbaycan bu müstəqilliyini kimsəyə verməz!

Nadir Əliyev

Ehtiyatda olan zabit

OXŞAR XƏBƏRLƏR

Ədalət Vəliyev: "İqtidarla müxalifət arasında indiyədək müşahidə edilməyən yaxınlaşma var"

"Azərbaycanda həyata keçirilən islahatların prioritet istiqamətlərindən biri olan korrupsiyaya qarşı mübarizə pandemiya şəraitində də səngiməyib”. "Report” x...

"Ordumuzun təchizatı da güclüdür, milli ruhu da yüksəkdir"

 "Ordumuz çox güclüdür. Ordumuzun təchizatı da güclüdür, milli ruhu da yüksəkdir" Bunu sonxeber.az-a Dağlıq Qarabağ münaqişəsinin mümkün həlli yollar...

Ekspert: “Ordumuzun gecə vaxtı döyüş atışlı təlimi yüksək dəqiqliklə keçirilib”

 "Gecə vaxtı döyüş atışlı kimi mürəkkəb təlimlərin keçirilməsi və heç bir xoşagəlməz hadisənin olmaması Azərbaycan Ordusunun peşəkarlığını göstərir. Buna g...

Azərbaycan Prezidenti: "Nə qədər vəsait lazımdırsa, o qədər də ayıracağıq"

 "Əlbəttə, bu pandemiya təsirsiz ötüşmədi. Dünyanın aparıcı maliyyə qurumları indi ortaya müxtəlif proqnozlar qoyurlar - dünya iqtisadiyyatı nə qədər tənəz...

Azərbaycan Ordusu cəbhəboyu zonada gecə təlimləri keçirib - FOTO - VİDEO

 Azərbaycan Ordusunun cəbhəboyu zonada yerləşən hərbi hissələrində döyüş atışlı taktiki təlimləri keçirilib. Müdafiə Nazirliyindən Sfera.az-a verilən...

Aslan İsmayılovdan Mikayıl Cabbarova açıq müraciət – "Bir şeyi dəqiq bilin..."

Tanınmış hüquqşünas Aslan İsmayılov iqtisadi inkişaf naziri Mikayıl Cabbarova müraciət ünvanlayıb. Sfera.az xəbər verir ki, hüquqşünas bir qədər öncə n...