“Azərbaycan Dəmir Yolları” aktivlərini 13% artırıb

"Azərbaycan Dəmir Yolları” QSC-nin aktivləri 2019-cu il yanvarın 1-nə 4,3 milyard manat təşkil edib.

Sfera.az  qurumun maliyyə hesabatına istinadən xəbər verir ki, bu, 2018-ci il yanvarın 1-i ilə müqayisədə 13% çoxdur.

Hesabat dövründə qurumun öhdəlikləri 5% artaraq 3 milyard manata, balans kapitalı isə dövlət investisiyaları hesabına 42% artaraq 1,2 milyard manata çatıb.

Xatırladaq ki, "Azərbaycan Dəmir Yolları” 2009-cu ildə yaradılıb. Onun nizamnamə kapitalı 806,1 milyon manatdır. Səhmdar cəmiyyəti 100% dövlətə məxsusdur.