No Image
No Image

Azərbaycan Beynəlxalq Bankı daha 9 ailənin məşğulluğuna kömək göstərdi

Azərbaycan Beynəlxalq Bankı daha 9 ailənin məşğulluğuna kömək göstərdi
 

Azərbaycan Beynəlxalq Bankı aztəminatlı ailələrin sosial rifahının yüksəldilməsi məqsədilə həyata keçirilən özünüməşğulluq proqramı çərçivəsində həssas əhali qruplarına dəstəyini davam etdirməkdədir.

Bankdan Sfera.az-a bildirilib ki, ötən ay 3 aztəminatlı ailəyə kiçik sahibkarlıq müəssisəsi qurmaqdan ötrü lazımi avadanlıqlar alan bank daha 9 ailəyə bu istiqamətdə kömək göstərir. Alınacaq avadanlıqların sənədləri artıq ailələrə təqdim olunub. Belə ki, Bakının Binəqədi rayonunda məskunlaşmış məcburi köçkün Kamalov Laçın Fariz oğluna peşəkar foto xidməti ilə məşğul ola bilməkdən ötrü lazımi cihazlar alınacaq. Buzovnada yaşayan Nağıyev Cavid Xalis oğluna parket və taxta döşəmə cilalanması üçün lazımi avadanlıqlar təqdim ediləcək. Daha üç vətəndaşımız, Xətai rayonunda məskunlaşmış məcburi köçkün Səfərova Ruhiyyə Tahir qızı, Hövsan qəsəbəsi sakini Baxışova Səadət Cəmil qızı və Şirvan şəhərində yaşayan Qədirov Ramil Tələt oğlu isə Azərbaycan Beynəlxalq Bankının təqdim etdiyi avadanlıq hesabına tekstil məhsullarının istehsalı ilə məşğul olacaqlar. Suraxanı rayon sakini Qəribova Mehriban Eldar qızı Bankın köməyi ilə əldə etdiyi avadanlıqlarla musiqi fəaliyyəti ilə məşğul olacaq. Abşeron rayonunda yaşayan Əliyev Uluyurd Nəbi oğlu, Gəncə şəhər sakinləri Həsənov Ramiz Faiq oğlu və Həbibov Anar Zaman oğlu Azərbaycan Beynəlxalq Bankının təqdim etdiyi avadanlıqlarla yaşadıqları ərazidə "Playstation” salonu quraraq öz məşğulluqlarını təmin edə biləcəklər.

Məlumat üçün bildirək ki, Əmək və Əhalinin Sosial Müdafiəsi Nazirliyinin icra etdiyi bu proqram çərçivəsində aztəminatlı ailələr öz biznes planlarına uyğun olaraq istehsal və ya xidmət avadanlıqları ilə təmin edilir. Burada məqsəd həmin ailələrə kiçik biznes qurmaq, yaxud mövcud biznesi inkişaf etdirmək üçün şərait yaratmaqdır. Elə bu proqramın unikallığı da vətəndaşlara nağd vəsaitin ayrılmaması, göstərilən köməyin sırf biznes yönümlü olması, daimi məşğulluğa yönəlməsidir. Azərbaycan Beynəlxalq Bankı da kiçik və orta biznesin inkişafına dəstək strategiyasından və korporativ sosial məsuliyyət prinsiplərindən irəli gələrək bu proqramda fəal iştirak edir. Əmək və Əhalinin Sosial Müdafiəsi Nazirliyi ilə sıx əməkdaşlıq əsasında Bank özünün Sahibkarlar Klubu xəttilə 50-dək aztəminatlı ailəyə kiçik biznes qurmaqda dəstək verəcək. Həmin ailələri Dövlət Məşğulluq Xidməti müəyyən edir.

Müasir dövlət bankı olan Azərbaycan Beynəlxalq Bankının məhsul və xidmətləri barədə məlumatları bankın 37 filial və 39 şöbəsindən, www.ibar.az internet səhifəsindən, 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.

OXŞAR XƏBƏRLƏR

Qarabağa daha 1700 erməni qayıtdı

Sutka ərzində 1700-dən çox erməni Ermənistandan Xankəndiyə qayıdıb. Sfera.az xəbər verir ki, bu barədə Rusiya Müdafiə Nazirliyi məlumat yayıb. "Rusi...

Dövlət bayrağını təhqir edən tələbə universitetdən qovuldu

Bakı Dövlət Universiteti Dövlət bayrağını təhqir edən tələbə ilə bağlı məlumat yayıb. Sfera.az xəbər verir ki, məlumatda bildirilir: "Mexanika-riyaz...

İRƏVAN QARIŞDI: Paşinyanın avtomobil kortejinin qarşısını kəsdilər - VİDEO

Ermənistanda itkin düşən və şəhid olmuş əsgərlərin yaxınları Baş nazir Nikol Paşinyanın avtomobil koretjinin qrşısını kəsiblər. Sfera.az xəbər verir ki, b...

Ermənistan MN Zod qızıl yatağı ətrafında baş verənlərə aydınlıq gətirdi

Ermənistan Müdafiə Nazirliyi (MN) Ermənistanın Geğarkunik vilayətindəki Zod qızıl yatağı ətrafında baş verənlərlə bağlı aydınlıq gətirib. Azərbaycan, Rusi...

Kəlbəcərdə azərbaycanlı və erməni hərbçilər arasında münaqişə - VİDEO

Kəlbəcərin Zod qızıl mədəni ərazisində mübahisəli vəziyyət yaranıb. Sfera.az xəbər verir ki, bu barədə Ermənistan mətbuatı yazıb. Azərbaycanla Ermən...

Azərbaycanda koronavirus testləri bitib? - TƏBİB-dən açıqlama

Azərbaycanda koronavirus (COVID-19) ilə əlaqədar aparılan testlərin bitməsi barədə yayılan məlumatlar həqiqəti əks etdirmir. TƏBİB-dən Sfera.az-a bildiril...