No Image
No Image

Aygün Kazımovanı arxada qoydu, vərəmə tutuldu, 31 yaşında Amerikada güllələndi – Azərbaycanlı müğənninin faciəvi həyatı

Aygün Kazımovanı arxada qoydu, vərəmə tutuldu, 31 yaşında Amerikada güllələndi – Azərbaycanlı müğənninin faciəvi həyatı
Sfera.az azərbaycanlı müğənni Sevil Hacıyeva haqqında maraqlı faktları təqdim edir.

Sevil Maqsud qızı Hacıyeva 3 oktyabr 1968-ci ildə Bakı şəhərində anadan olub. Gənc yaşlarından etibarən musiqi fəaliyyətinə başlayan Sevilin qısa zaman ərzində istedadı kəşf edilir və müxtəlif musiqi tədbirlərində çıxış etməyə başlayır. Azərbaycan Dövlət Konservatoriyasının fortepiano şöbəsində təhsil alır.

***

Sevil Hacıyeva "Yanğı”, "Köhnə tramvay”, "De, kim eşitsin” kimi mahnıların ifaçısı olub. Onun ən çox duet ifa etdiyi müğənnilərdən biri Samir Bağırov olub.

***

Sevil Hacıyevanın solist kimi əsas fəaliyyəti 1980-ci illərin əfsanəvi qruplarından olan "Karvan”la bağlıdır.
1993-cü ildə "Karvan” qrupu dağıldıqdan sonra Sevil Hacıyeva bir də Bakı səhnələrində görünmür. O, digər həmyaşıdları və həmkarları kimi dövrün ağır şərtlərindən təsirlənərək, səhnələrdən uzaq düşür.

***

1988-ci ildə "Bakı Payızı- 88” müsabiqəsinin laureatlarından biri olub. "Yurmala” müsabiqəsində gənc musiqiçilərin yarışında iştirak edən Sevil Hacıyeva hətta Aygün Kazımovanı da geridə qoyaraq müsabiqənin finalına çıxır. Daha sonra "Qaya” qrupunun bədii rəhbəri Teymur Mirzəyevin dəvəti ilə qrupda çıxış etməyə başlayıb. Bəstəkar Eldar Mansurovla davamlı əməkdaşlıq edib, onun yazdığı mahnıları oxuyub.

***


Vərəm xəstəliyindən əziyyət çəkən, ailə problemləri yaşayan müğənni tanış olduğu ABŞ vətəndaşının köməkliyi ilə Los-Ancelesə köçür. 8 Sentyabr 1996-cı ildə Ian Mussman adlı biri ilə evlənir.
Həyatının ikinci baharını yaşayan Sevil Hacıyeva vərəm xəstəliyindən müalicə olunaraq sağalır, Los-Ancelesdə konservatoriyada təhsil almağa başlayır. Öz pulunu qazanmaq üçün isə gecələr şəhərin prestijli klublarının birində səhnəyə çıxır.

***

Sevil Hacıyeva rəsmi olaraq "Məhdud iş imkanı üçün icazə verilən xarici tələbə” statusunda olub. Sosial Təhlükəsizlik koduna sahib olub.
Sevil Hacıyevanın yaradıcılığının çiçəklənən vaxtı faciəli hadisə onun gənc həyatını yarıda saxlayır. 12 sentyabr 2000-ci ildə bir dostu ilə səhnəyə çıxdığı klubdan evə qayıdan Sevil Hacıyevanın yolunu soyğunçu kəsir. Ciblərindəki pulları tələb edən oğruya tabe olmadığı üçün soyğunçu əvvəlcə Sevilin dostunu güllələyir. Kömək çağırmaq üçün kluba doğru qaçan Sevil Hacıyeva isə belindən vurularaq öldürülür.

***

Öldürülən zaman gənc solistin cəmisi 31 yaşı olur. Karvan qrupunun solisti ölümünün ardından "Hollywood Hills” məzarlığında torpağa tapşırılır.
 
(kulis.az)

Turan Bank

OXŞAR XƏBƏRLƏR

Atası gitarasını sındırdı, küçədə balıq satdı, qardaşını Rusiyada öldürdülər - Yalçın Rzazadədən maraqlı faktlar

Sfera.az ötən gecə dünyasını dəyişən Xaql artisti Yalçın Rzazadə haqqında ən maraqlı faktları təqdim edir. Yalçın Rzazadə 1946-cı ildə Lənkəranda ziyalı a...

Şuşada tikiləcək türk məktəbi belə olacaq - FOTO

"Şuşada tikəcəyimiz məktəbin əsas girişi Osmanlı və Səlcuqlu motivli çinilərlə bəzədiləcək”. Sfera.az xəbər verir ki, bunu Türkiyənin Millətçi Hərəkat Par...

Ronaldo 8 milyon avroluq avtomobil aldı - FOTOLAR

"Yuventus”un və Portuqaliya millisinin ulduzu Kriştianu Ronaldo özünə yeni avtomobil alıb. Sfera.az  xəbər verir ki, o, "Bugatti Centodieci” avtomobi...

Azad Rəhimovun səhhəti necədir? - SON DURUM

Azərbaycan Respublikasının Gənclər və idman naziri Azad Rəhimovun müalicəsi ABŞ-da davam etdirilir. Sfera.az xəbər verir ki, bunu modern.az saytına nazirl...

Əli Həsənovun ABŞ-a köçən oğlu 3 ildir Dubaydan daşınmaz əmlak alır? - FOTOFAKT

Azərbaycanı tərk edərək ABŞ-a köçən Prezidentin sabiq köməkçisi Əli Həsənovun oğlu Şamxal Həsənli Birləşmiş Ərəb Əmirliklərtinin Dubay şəhərində fəaliyyət göstə...

Kişi küçədə lüt gəzdi - FOTOLAR

Türkiyədə bir nəfər şəxs lüt şəkildə küçəyə çıxıb.  Sfera.az xəbər verir ki, qəribə hadisə Zonquldak şəhərinin Çaycuma ərazisində baş verib. Be...