Asiyalıların koronavirusu yüngül keçirməsinin səbəbi bilindi – 25 min il əvvəl nə baş vermişdi?
12:20 / 15.04.2021
2810
Şərqi Asiyalıların koronavirusa qarşı müqaviməti 25 min il əvvəlki virusla bağlıdır.
Sfera.az xəbər verir ki, Arizona Universitetinin təkamül
üzrə genetiki David Enard tərəfindən aparılan araşdırmanın məlumatları Amerika
Antropoloqlar Birliyinin illik konfransında paylaşılıb.
Araşdırmaya görə, Asiyada 25 min il əvvəl meydana gələn
koronavirusla bağlı olan patogenin səbəb olduğu epidemiya şərqi asiyalıların
genlərində xüsusi dəyişiklik yaradıb və bu səbəbdən də bəzilərinin metabolizması
COVID-19-a fərqli reaksiya verib.
Təxminən 2500 nəfərdən alınan DNT nümunələrinin incələnərək
əldə edilən məlumata görə, bu qədim epidemiya ilə əlaqəli genetik yığılma
sonrakı 20 min ildə davam edib.
5 min il öncə şərqi asiyalıların virusa uyğunlaşdıqları
və ya virusun keçirdiyi mutasiya səbəbilə təsirini itirdiyi ehtimal olunur. Ortaya çıxan yeni məlumatın COVID-19 kimi
viruslarla mübarizə üsullarını tapmağa imkan verə biləcəyi bildirilir. Virus və
epidemiya tarixçəsi olan genlər daha effektiv dərmanlar hazırlamaq istəyən tədqiqatçılara
ipucu verə bilər.
O, bu məlumatın Şərqi Asiyada ölüm hallarının ABŞ və Avropa ilə müqayisədə nə üçün daha aşağı olduğunu izah etdiyini sözlərinə əlavə edib.
İnci
Sfera.az