No Image
No Image

Alman telekanalı Gəncədən reportaj hazırladı

Alman telekanalı Gəncədən reportaj hazırladı
Almaniyanın "Deutsche Velle” telekanalında "Dağlıq Qarabağ münaqişəsi: Gəncədəki matəm və qəzəb” adı ilə reportaj yayımlanıb.

Sfera.az xəbər verir ki, reportajda Qarabağ uğrunda gedən döyüşlərin ətraf ərazilərdə getdikcə daha çox mülki şəxsi əhatə etdiyi bildirilir. Telekanalın müxbiri Yulia Hahn Azərbaycanın ikinci böyük şəhəri olan Gəncədən hazırladığı reportajda oktyabrın 17-nə keçən gecə raket atəşi nəticəsində dağılan yaşayış massivinə baş çəkib. Alman jurnalist raket zərbəsindən məhv olmuş məhəllədə dağılan evlərin qalıqları arasında sakinlərlə söhbət edib. Evi tamamilə dağılmış Gəncə sakini Rəqibə Quliyeva gecə baş verən hadisədən danışır. O, vaxtilə çoxlu yaşayış evinin olduğu məhəllənin raket atəşi nəticəsində viran qaldığını söyləyir. Videokadrlardan da görünür ki, gəncəli xanım dağıntılar arasında öz ev əşyalarını tanıyır və onları toplamağa çalışır.

Jurnalist həmin qanlı gecədə həlak olmuş 13 sakinin xatirəsinə hazırlanan anım guşəsinə də baş çəkir. Qeyd edilir ki, Gəncə sakinləri raket zərbəsi nəticəsində həlak olanların xatirəsini yad etmək üçün məhz buraya baş çəkir, gül dəstələri və öldürülən uşaqlara görə oyuncaqlar gətirirlər. Guşədəki lövhələrdə sakinlər bu hadisənin günahkarını da qeyd ediblər: Ermənistan ordusu.

Y.Hahn bildirir ki, Dağlıq Qarabağdan onlarla kilometr uzaqda yerləşən Gəncənin sakinləri müharibənin birbaşa onları da ağuşuna alacağını heç ağıllarına belə gətirməzdilər. Lakin ötən həftəsonu şəhərin bu məhəlləsindəki evlər dağıldıqdan sonra artıq hamıya aydındır ki, bu münaqişə istənilən zaman və bütün istiqamətlər üzrə kəskinləşə bilər.

Gəncənin mərkəzində sakinlərlə müsahibələr əsasında insanların vətənpərvər ruhda olduqları, onların Azərbaycan Silahlı Qüvvələrinə inandıqları qeyd edilir. Sakinlər döyüşlərdə iştirak üçün könüllü yazıldıqlarını, düşməndən qorxmadıqlarını, Vətən üçün candan keçməyə hazır olduqlarını və tezliklə Azərbaycan bayrağının Dağlıq Qarabağda dalğalacanağına inandıqlarını söyləyirlər.

Yekunda isə qeyd edilir ki, Gəncəyə olan hücumlardan sonra Azərbaycanın özünümüdafiə hüququndan istifadə etməyə tam haqqı çatır. Bu fikri bütün şəhər sakinləri, eləcə də dağılmış evinin qalıqları arasında özünə yeni gün-güzəran qurmalı olacaq Rəqibə Quliyeva söyləyir.

OXŞAR XƏBƏRLƏR

“İqtidara həmişəki kimi qanla gəlmək istəyirlər” - Paşinyan

Ermənistanın baş naziri Nikol Paşinyan xalqa etdiyi televiziya müraciətində müxalifətin ölkədə xaos yaratmaq və müharibəni Ermənistanın içərisində aparmaq istəd...

Peskovdan Paşinyanın Putinlə bağlı açıqlamasına - Reaksiya

"Rusiya Prezidenti Vladimir Putin Azərbaycan Prezidenti İlham Əliyev və Ermənistanın Baş naziri Nikol Paşinyanla intensiv telefon əlaqələrindədir”. Sfera....

Fransa Türkiyəyə qarşı sanksiya tətbiqinə çalışır

"Röyters” xəbər agentliyi Fransa, Yunanıstan və Cənubi Kiprin Türkiyə iqtisadiyyatını hədəf alan sərt sanksiyaların tətbiqi barədə məqalə dərc edib. Sfera...

Erməni siyasətçilər: "Paşinyan Zəngəzuru Azərbaycana verəcək"

Ermənistan Respublikaçı Partiyasının sözçüsü Eduard Şarmazanov qatıldığı televiziya proqramında Ermənistanın Dağlıq Qarabağda törətdiyi dağıntı səbəbi ilə Azərb...

Əsirlərin qaytarılması ilə bağlı hansı yeniliklər var? – Dövlət Komissiyası zənglərə cavab vermir, BQXK isə...

İkinci Qarabağ savaşında əsir düşən hərbçilərimizin, eləcə də girov götürülmüş vətəndaşlarımızın qaytarılması gündəmin əsas mövzularındandır.   Sfera...

Ukrayna Mariupolda separatçıların mövqelərini ələ keçirdi

Ukrayna Mariupol istiqamətində irəliləyərək, separatçıların bir neçə mövqeyini ələ keçirib. Sfera.az  Ukrayna mətbuatına istinadən xəbər verir ki, se...