“Alınan rüşvətlər sahibinə geri qaytarılmalıdır” - Deputat
15:10 / 03.05.2021
1648
"Prezidentin ehtiyat fondundan pullar ayrılırdı ki, əlilləri,
tam imkansızları və çarəsizləri evlə təmin etsinlər. Təəssüf ki, əvvəlki rəhbərlik
və digər əli kirli vəzifəli şəxslər o evləri də pulla satıblar, rüşvət
müqabilində aidiyyatsız şəxslərə veriblər. Yaxud, elə almağa haqqı olanlardan
rüşvət alıb veriblər”.
Sfera.az-ın məlumatına görə, bunu Milli Məclisin
deputatı Razi Nurullayev deyib. Millət vəkilinin sözlərinə görə, vətəndaşların
bəziləri onlara aid olanı almaq üçün rüşvət versə də, yenə evsiz qalıblar:
"O qədər qanunsuzluqlar olub ki, onları təmizləmək və
həll etmək üçün xeyli zaman lazımdır, bir də iradə. Eyni zamanda vəzifəli şəxslərin
vurduqları ziyan və qaytarılan məbləğ haqqında cəmiyyətə müfəssəl məlumat
verilməlidir.
Günay
