“Eurovision” ulduzu təcavüzə görə cəzalandırıldı- TƏFƏRRÜATLAR

Fransa məhkəməsi Fransanı “Eurovision 2024”də təmsil edən 35 yaşlı müğənni Slimane Nebçini təqibdə təqsirli bilib. Musiqiçi 10 min avro cərimələnib.
 

Sfera.az bildirir ki, Slimane təcavüz iddiası ilə məhkum edilib.

 

Məhkəmə Slimanenin konsertindən sonra işçilərindən birinin təqib edilməsi ilə bağlı hökm çıxarıb. Qərarın CRPC (təqsiri ilkin etiraf) proseduru çərçivəsində keçirilən dinləmədən sonra verildiyi bildirilib. Bu, sənətçinin yayda polisə ikinci çağırışından sonra baş verib və araşdırmanın özü 2024-cü ilin noyabrından davam edirdi.
 

Slimane niyə ittiham olunur?
 

2023-cü il dekabrın 17-dən 18-nə keçən gecə, Sent-Etyendəki Zenit konsert salonundakı çıxışından sonra Slimanenin komandasının texniki işçilərindən birinə təcavüz etdiyi iddia edilir. Texnik iddia edib ki, musiqiçi ona çoxsaylı mesajlar və şəxsi videolar göndərib.
 

Prokurorluq qeyd edib ki, iddialar xüsusilə rəqəmsal təcavüzə aiddir. Lakin digər şikayətlər üzrə araşdırma faktları düzgün xarakterizə edə bilməyib və buna görə də işlər bağlanıb.
 

Zərərçəkmişin vəkili “O, günahını etiraf etdi” - deyir.
 

Məhkəmə “Eurovision” ulduzunu 10 000 avro cəriməyə məhkum edib, bunun 3 000 avrosu dayandırılıb. Bununla belə, əlavə araşdırmalar yeni faktları təsdiqləsə, sənətçini bir ilə qədər həbs cəzası və əlavə olaraq 15.000 avro cərimə gözləyir.
 

Qalmaqal Slimanenin 2024-cü ildə karyerasını davam etdirməsinə mane olmayıb. O, hətta dördüncü yeri tutduğu “Eurovision”da çıxış edib, həmçinin Fransa televiziya layihələrində iştirak edərək 2024-cü il Olimpiya Oyunlarında veriliş aparıb.

 

Aysel